أسيره الليث

التاسع🥺❤

التاسع...

عبد الرحمن بغضب: هو أنتي مش قايلالي أن محدش عارف!!

أقترب منها بغضب وهو يردف بكلمته... الأن أدرك أنها كانت تكذب عندما أخبرته أن لا أحد يعلم...
توترت عندما رأت غضبه ولم تعرف ماذا تخبره...

أريج: أنا... أنا...

تدخل أدم ليرفع الحرج عن أبنته...

أدم: هي عملت كدا عشان لو أنت كنت قولت مكانتش هتوافق عليك...

أريج: أنا أسفه...

نظر ليث لهم بضيق ثم أقترب من تلك التي وقفت تبكي وتنظر لهم بخوف لا تعلم ما هو مصيرها...
تخدث بنبرة صارمة محذره....

ليث: مش وقته الكلام ده... انتي ي بت انتي لو مقولتيش الواد ده فين هندفنك هنا مش لسه هنستني البوليس...

نظرت أسماء لعبد الرحمن الذي ينظر ل أريج بغضب وهي تنظر له مترجيه أن لا يغضب من كذبتها... تقدمت منها وسألتها...

أسماء: هو ده جوزك؟

أريج: أنتي عايزة اي.. جايه تحرقيني تاني.. هو اللي بعتك صح.. جاي يشوف حياتي اتدمرت ولا لا..

أسماء: أنا مبسوطه اوي ان حياتك بقت أحسن.. صدقيني زين هو اللي اتدمر بعد اليوم ده.. أنا مجرد خدامه في البيت ده ي أريج.. أنا خوفت أقف ضده يرفدني وهو تقريبا اللي بيصرف علي عيالي..من وقت اللي حصل ده وانا مشوفتوش الا مره او اتنين لما بيرجع الشالية ويتصل بيا عشان اروح اعمله اكله وشربه و انضف..حياته بقت ظلام أكتر من الاول... مبقاش يتكلم في اي حاجه.. بيجي يقعد في أوضتك و كأنه بيعاقب نفسه...
زين وقع في حبك بس عرف ده بعد فوات الأوان... وهيفضل يتعذب العمر كله...
هيتعذب لما هقوله انك بقيتي عروسه.. بس مش عروسته هو...

أريج: أنتي مفكره انه كده هيصعب عليا.. أنتي مفكره ان كده هسامحه او هسااامحك؟؟

أسماء: عارفه أنه صعب... أنا قولت أنتي اللي هتظهري الخير اللي جوا زين.. كنت لفترة حسيت انه فعلا اتغير..لكن خناقتكم الأخيرة رجعت الغضب اللي جواه تاني..

أريج: وأنا اللي دفعت التمن.. أنا اللي دفعت التمن...

أسماء: وهو كمان دفع التمن غالي أوي.. مع أني مش مقتنعه ب أني جاية اقولك انه اتدمر حرفيا لأنك دايما كنتي بتقولي ان أذية الغير مبتطفيش النار.. بس هو كمان حياته اتدمرت...
أنتي ربنا بعتلك واحد شكله ابن حلال و واقف ف صفك.. وجرحك مع الأيام هيلم حتي لو الاثر فضل موجود.. انما هو جرحه هيفضل دامي العمر كله...

أريج: جرح!!! و هو مين اللي اذي مين؟؟؟ أنتي عايزة مني اي.. اطبب عليه وأقوله معلشي.. حقك عليا...أمشي ي أسماء من هنا.. عشان خاطر ولادك بس.. أنما أنا مش مسمحاكي ولا هسامحه ابدا... أنا بكرهكم...