لعنة حبي الكاذب

البارت السادس

السلام عليكم

نور ال زياده

كلنا ننتضر شروق الشمس لتنير حياتنا وتدفئنا ولا ندرك ان الشمس نفسها اللتي بشعاعها تضئ لنا ممكن ايضا ان تحرقنا
كنت انتضر شمسي لتنير حياتي ولم اكن اعرف شروقها سوف يحرقني

فيان :بعد ماخلصت الفاتحه شدو عليه شده من هذي الزينه

عمتي وبناتها وامير اللي تغير ١٨٠ درجه كل يوم يمر يصير اسوء

وهاي السنه الثانيه واني ما داومت جامعه راحت عليه

كنت احس باحباط شديد كل امالي واحلامي تبخرت مع الريح

حاولت اتواصل ويا اهلي بعد رجوعي للعراق لكن الوقت والحرب ماغير شي بقرار ابويه

نهوني ولغوني من قاموس حياتهم

وهل شي خله امير وامه يتفرعنون عليه لان ماعندي احد منبوذه من اهلي

امير رجع لدوامه بعد ماقدم تقارير تثبت تضرره من النضام القديم

كلت راح نفسيته ترجع مثل قبل لان هو يحب عمله بس صار اسوء

والاحلى منها يهيني ويذلني ويرجع يريدني اعامله طبيعي ويدور حقوقه كانما شيء لم يكن

كرهت نفسي وحياتي كنت احس بالذل استعبدوني النهار كله صرت خادمه الهم

استمريت على هل حال الى ان مر سنتين على زواجي وللان ماصار عندي طفل

وامير صار يدور مشاكل يريد اطفال وصلت بي يتحجج عليه ويضربني

كلها ضدي بس ساره واوس اللي كان دائما يوكف ويايا

بس كنت استغرب يدافع عن حقوقي بس هو ويا زوجته مو زين

صح ولامره شفته مد ايده عليها بس

هاجرها وينام بغرفه ثانيه وعلاقته وياها مو زينه

مرت الايام وصار سنه على وفاة عمي وسنتين ونص على زواجي

واجى اليوم اللي عرفني شنو معنى الذل والاهانه الحقيقيه للمراه

اجتمعوا كلهم واني بعدوني مثل الغريبه وثاني يوم بدلو وكشخوا وطلعوا ضلينا اني وساره بالبيت

للعصر رجعوا اني كنت بغرفتي سبحت وبدلت ورتبت نفسي لان قررت ازيد اهتمامي بامير هو مو يكول انتي بارده ومتهتميلي قررت ابينله اهتمامي بعد اكثر

صراحه كنت دائما اهتم بشكلي ولبسي وبنضافتي ونضافة غرفتي

واهتم بي والبيله طلباته ومع ذلك يتهمني بالتقصير ومشاعري بارده ومااعرف شنو اسوي حتى ارضي دا احاول والله كريم

من دخلو البيت سمعت صوت عمتي وحمواتي يهلهلن
استغربت نزلت صاحتني عمتي

ام امير :تعالي يالمسعده تعالي باركي لرجلج