لعنة حبي الكاذب

البارت الثالث والثلاثين

السلام عليكم

نور ال زياده

حازم :هذا منو الي كنتي تحجين ويا ممكن تفهميني مدام ؟

فيان :من صعدنه بالسياره للان تحقق ويايا واكلك واحد مااعرفه

حازم :والي متعرفي تسولفين ويا وتضحكين وماخذه راحتج هاي شلون دبرتيها؟

فيات :حازم لهنا حدك وكافي ممسموحلك تحجي ويايا بهل طريقه

واصلا ممسموحلك حتى تدخل بخصوصياتي من البدايه كان اتفاقي وياك واضح

كتلك محد يتدخل بالثاني ومع ذلك وضحتلك منو هذا الشاب

اني كلت هل كلام صار يضرب على ستيرن السياره بقوه ويكلي.....

حازم :يصير خير فيان ،مثل متريدين مااتدخل باي شي منا ورايح انتي الضاهر قررتي تعيشين حياتج

فيان :فهمت شنو قصده وكلش استفزني كلامه وتدخله لهذا بدون نقاش اختصرت الطريق عليه وعليه وكتله...

حازم طلكني

اني كلت هل كلمه باوع عليه وفتح عينه حسيته انصدم !!!

ثواني بس ثواني وماحسينه الا سياره كدامنا ردنا نسوي حادث وكف السياره ضرب بريك ردنا نطلع من الجامه الاماميه من قوة الوقوف

مااكلج شصار جسمي كله ضل يرجف صدك متحملت ضليت احجي علي

شيماء : هسه اني مافهمت منو السبب انتي ضايجه منه وتحجين علي

وهذاك صاير بارود ميتحاجا واني مااعرف ولا افتهمت اصلا سالفه متسوا شجاكم ياستار متكولولي

فيان :لااكلج ولا تكوليلي ابن اخوج يريد يتحكم بيه

واني مااسمح بعد لاي مخلوق بشري يتدخل بخصوصياتي بعد

كافي عليه اهلي وامير والي سوا ويايا احنا من البدايه اتفقنا وهو قرر ينقذ الاتفاق واذا زاعجته تصرفاتي ممجبور يبقى ويايا ننفصل كانما شيئا لم يكن

شيماء :انتي صدك مخبله يولي هو هذا كلام ؟

فيات :لعد شنو الكلام اصلا تصرفاته واضحه مل مني وصار يتحجج عليه ولهذا راح اختصرله الطريق

شيماء :احسن من هل المعمعه كلها والهوسه كان اختصرتي الطريق وكلتيله شنو سالفة هذا الولد ؟

فيان ؛لا اكله ولا يكلي حجيت وماصدكني وممجبوره اصلا ابرر

شيماء :خلي اروح انطي بارستول راد

راسه ديوجعه واصبله غدا بلكي ياكل هذا هم متخبل مدري شبي؟

وانتي هم متفرقين عنه شي على فكره،،، كومي تغدي

فيان :مااريد اكلت

راحت شيماء واني ضليت ويا نفسي اتسائل شبي ليش راد بارستول معقوله راسه انضرب لو صار بي شي ؟