السلام عليكم
نور ال زياده
~~~~~~~~~~~~
ابو فارس :وين رايحه خالي ؟
نرجس :خالو طالعه ادور على فيان هاي تخبلت عليه من درت وافقت نعيش بالمشتمل من غير مااكول الها خلت وطلعت من البيت
يسار :وين راحت مافهمتي؟
نرجس :مااعرف اخذت غراضها وطلعت
ابو فارس :اركض ابويه شوفها وينها هي وين تعرف المنطقه هنا لوتندل
نرجس :عفيه اجي وياك ؟
وافق ،،رحت ويا يسار ندور على فيان طلعنا ندور بالسياره ماكو وصلنا للشارع العام وشفنه هوسه كلبي انخمط نزل يسار من السياره
واني لمحت فيان من بعيد مدده على الارض لو ماضل عقل براسي نزلت وركضت عليها شلناها ورحنا للمستشفى اخذوها منا ضلينه ننتضر الى ان طلع الطبيب
يسار :دكتور ،،بشر؟
الدكتور :مابيها شي رضوض بسيطه بس ضغطها منخفض كلش خليناها سيروم ومسكن ومقويات لان جسمها تعبان بس تصحى ويخلص العلاج تكدرون تطلعوها لان اصابتها جدا بسيطه
يسار :الحمد الله ،،نشكرك دكتور
نرجس :دخلت يمها وهي نايمه واثار الدموع والكحل الي نازل على وجها
يسار :ليش رفضت تبقى يمنا اكو احد مضوجها ومندري احسها كلش منطويه ومامتقبلتنه ؟
نرجس :المشكله موبيكم المشكله عدها ،،
فيان تعبانه كلش من كثر ماخسرت بحياتها صارت عايشه بدون امل ولهذا نفسيتها مدمره وحتى متعرف شتريد وصارت تتحسس من كل الناس
يسار :حقها الي سمعته عن حياتها صعب لهذا المفروض كلنا نقدر وضعها ونسايسها حتى تهدء وتتقبل الحياة من جديد
فيان :فتحت عيني اني بالمستشفى ونرجس ويسار يمي تحمدولي بالسلامه بس ماكدرت ارد احس نفسي جسد من غير روح
طلعوني ورا ماخلص المغذي كنت مسيره مثل كل مره دخلوني للبيت الكل كان باستقبالي من غير كلام دخلت للغرفه خليت راسي على المخده وغمضت عيني حتى احاول الهرب من نضراتهم ومن واقعي الى ان غفيت
كعدوني على الاكل بس رفضت استمريت ايام على هل الحال حتى سبح نرجس اخذتني للحمام سبحتني
************
نرجس :مع الاسف فيان فقدت شغفها بالحياة وهل شي زرع الرعب بداخلي صرت مااتركها ولاثانيه اخاف تسوي بنفسها شي وحتى الحادث صاحب السياره كال هي شمرت نفسها كدامي يعني باختصار فيان فقدت الرغبه بالحياة الكل بالبيت مقهور عليها وشايلين همها
ثاني يوم استغليت نومها وصيت البنات ورحنا جبنا غراض للمشتمل جبت ثلاث اسره وكنتور للغرفه والمطبخ جبت كاونتر سنك وطباخ وثلاجه وغساله واخذت ديوان صغير خليته على جها بالمطبخ لان المطبخ كبير صار عباره عن جزء منه مطبخ وجزء هول وبعده الغرفه وحمام بينهن
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
