لعنة حبي الكاذب

البارت الثلاثين

السلام عليكم

نور ال زياده

فيان :سمعت اطلاق نار وهوسه من خوفي صرت اعيط وابني بحضني يعيط ويايا

لحضات كانت اكثر من مرعبه جسمي كله يرجف

هدئت من سمعت يم باب غرفتي صوت خالو وفاروق وهمه يطلبون مني افتح الباب و اطلع

شلت ابني واحس راح يوكع من ايدي فتحت قفل الباب بخوف وايدي ترجف شافني خالو

ابو فاروق :تعالي يابه اطلعي بنيتي لتخافين انهزمو

فاروق :جيبي الطفل المسكين مرعوب

فيان :فاروق اخذ مني احمد الي يصرخ بفزع ودا للحمام يغسله وجها

بهل اثناء شفت خاله وشيماء يصعدن بسرعه ويلهثن

شيماء :افونه ياعمري الله حماكم وسلمكم خوما بيكم شي ؟

فيان :زينين

ام فاروق ؛يمعودين فهمونا شنو الي صار مو من الهبطه رجلي بعد متشيلني

ابو فاروق :خلي هسه افهم هذا ابنج الي حرك الموبايل علينه اكيد ضل باله

فيان :جاوبه واسمع صوت حازم عالي

خالو يحاول يهدئه ويفهمه اخر شي بزع منه انطاني التلفون

الخال :هاج يمعوده احجي ويا ضل باله

فيان ؛اخذت التلفون بايد ترجف اول ماكلت الو اجاني صوته

حازم :فيااان ،،الحمد الله ياربي ،بشريني شلونكم خوما بيكم شي ؟

، شلونج انتي ،،حمودي شلونه؟

فيان :زينين لتخاف مابينا شي ،بس مافهمت منو الي دخل البيت

حازم :شنوووو؟ يعني دخلو للبيت لا ياالله ،،،هسه اني جاي بالطريق مابقى شي واوصل

فيان :وين تجي ودوامك

حازم :ط****ز يادوام هسه اني بحال دوام جاي بالطريق

فيان :نهينا الاتصال واني كعدت لان ماعادت رجلي تحملني من الهبطه

دقائق ودخل حازم كان ملهوف ومتوتر بدون سلام ولا شي توجه نحوي

حازم : فيان انتي زينه ؟

فيان :رفعت راسي وباوعت علي بعيوني الي مليانه دموع وخوف

حازم :فيان لتخبليني سوولج شي بيج شي ؟ شبيها عيونج ؟

ابو فاروق :لتخاف يابه الله سترهم مابيهم شي بس انفزعوا هي وابنها من فتحو الباب ودخلو عليهم

حازم :منو هذوله ياترى ؟ماكدرتوا تشوفوهم زين كم واحد؟

فاروق :اني لمحت اثنين من رمينه انهزموا

فيان : حازم يسال ويجاوبون الى ان سمعنه صوت

فاروق :هاي دوريه مال شرطه اتصلت عليهم