السلام عليكم
نور ال زياده
فيان :اسفه ابوهاجر مااروح وياك لاي مكان احنا بالبيت وكدام عيونهم اتهمتني ساره شلون اذا طلعنا سوا شراح تحجي علينا
اوس :هو لهذا اريد اسد حلك الكل
فيان :شنو قصدك بالكل ،ليش منو بعد حجى عليه واتهمني؟
اوس :هوايه اشخاص هسه عوفينا من هل الكلام بعد ربع ساعه انتضرج برا بالسياره موتتاخرين
فيان :اعذرني مااكدر
اوس :واذا اكلج الموضوع يخص اهلج
فيان :صدك والله ؟!!
اوس :شبيج اني مو واعدتج على سالفة اهلج
يله بسرعه انتضرج
فيان :تمام
نهينا الاتصال وبسرعه غسلت وبدلت لحمودي مالحكت حتى اوكله واني هم غسلت وبدلت ورتبت نفسي ونزلت...
همزين ماشفت احد طلعت بوجهي للشارع شفت اوس كاعد بالسياره اول ماشافني ابتسم
وكال
اوس :اي هذا الصباح الزين هيج وجوه الواحد يصبح بيها تعال بابا حمودي تعال بحضني
فيان :شلون تسوق السياره يضايقك؟
اوس :عادي جيبي يمي
فيان :اخذه وحمودي ماصدك شاف سياره يموت على السيارات
صعدت ومشت السياره التفتت اله وكلت
شنو عرفت عن اهلي ؟
اوس :ماشاء الله عليج متريكه اساله ومحضرتها شبيج يمعوده ،،دانتضري خلي نتريك بالاول واسولفلج
فيان :مااريد ريوك متريكه بس احجي
اوس :شوكت تريكتي بالحلم هو اني كعدتج اصبري بابا صبري
فيان :سكتت والفضول موتني الى ان وصلنا مطعم نزلنا وطلبنا ريوك...
بس اني على اعصابي كل همي اعرف خبر عن اهلي اكلت لكمتين غصب بس حتى اسايره واسمع منه الكلام الي يريد يحجي
اوس :اعرف كاعده على اعصابج يله كومي
فيان :وين والكلام ماحجيت شي
اوس :ماكو داعي احجي راح انفذ امشي لبيت اختج
فيان :شنوو يااخت !!؟
اوس :امشي وانتي تعرفين
فيان :كمت واني رجلي ترجف وجسمي من التوتر راح اقابل واحد من اهلي بعد كل هل السنين
اوس :شبيج فيان ليش كل هل التوتر ؟
فيان :خايفه مااعرف مشاعر غريبه بداخلي شلون راح يكون لقائي بعد كل هل سنين ؟
اوس :عادي امشي والله كريم
فيان :مشينا واني على اعصابي الى ان وصلنا منطقة ------------ دخلنا بافرع قديمه وبيوت اقدم ركن السياره امام بيت كلش تعبان..
أنت تقرأ
لعنة حبي الكاذب
Lãng mạnشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
