السلام عليكم
نور ال زياده
هناك اخطاء في الحياة لايمكن اصلاحها
حتى وان حاولنا يكون قد فات الاوان ...
فيان :ثاني يوم الصبح اتصل اوس
اوس :شلونج فيان ؟
فيان :الحمد لله
اوس :الباجر اجي عليج نروح على المحامي تسويله وكاله علمود اجرائات الطلاك
فيان :اي تمام ،وموضوع اهلي ؟
اوس :لتخافين ان شاء الله خير بس انتضريلي كم يوم لان لكيتهم شايلين من بيتهم وبس الكه بيتهم اتواصل وياهم
فيان : اعتمادي على الله وعليك
اوس : الله كريم ،،،محتاجه شي ؟
فيان :لاشكرا ،سلامتك
اوس :في امان الله
فيان :الله وياك
شيماء :صباح الخير ،فيان رتبي نفسج كرايب ام فاروق جايين على الغدا اليوم
فيان :يعني اهل هديل زوجة فاروق موو؟
شيماء ؛اي همه وبيت اخوها هم وياهم راح اروح اساعد ام فاروق
فيان :ارتب نفسي واجي اساعدكم
شيماء :وين وانتي راسج والكانونه بايدج هذا مكياج على الكومدي شويه خلي بعيونج شي وبوجهج اكيد راح يجن كاشخات
فيان :تمام بس شوكت يشيل الكانونه من ايدي ضجت منها ؟
شيماء :الباجر اليوم بقت ابرتين والباجر الصبح وحده ويشيلها خلصي وتعالي يمنا اكعدي
فيان :اوكي ؛ طلعت وبدلت ملابسي لبست بنطرون وعلي تيشيرت طويل لونه وردي رتبت شعري وخليت شويه باودر ومحمر خدود وكحل ببطن عيني وماسكاره وحمره ورديه بس مسحتها لان معجبتني بقى بس اثرها على شفتي اللي بينت ورديه طبيعي
طلعت شافني الخال ابو فاروق
ابو فاروق :ها بنيتي شلونج اليوم ؟
فيان :الحمد لله خالو بخير
ابو فاروق ؛خوما محتاجه شي ،ناقصج شي بس كوليلي اعتبريني ابوج؟
فيان :شكرا خالو ماقصرتو كلكم وكفتكم ويايا هاي ماانساها طول عمري
كفيتوا ووفيتوا وحتى لو راح اطلع من حياتكم وانفصل عن امير ما راح انساكم ابدا
ابو فاروق :بنيتي البيت بيتج مهما كان قرارج
حازم :صباح الخير
فيان :من غير ما اندار جاوبته ،صباح النور
حازم : صار موعد الابره وين كيس الدوا
فيان :هاي جبته ويايا
انداريت وانطيته اله اخذه وحضر الابره كعدت على
القنفه وهو على جنب وبلش يحقنها بالكانونه بس دواها حار اذاني ،عصرت عيني حيل من الالم
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
