السلام عليكم
نور ال زياده
~~~~~~~~~~~
وسام :علاء
فيان :يووو ،،،،،،هذا منخلص منه موتزوج بعد شكو ؟
ميثم :شكو بيها الشرع حلل اربعه
فيان :هو بيت واحد مامدبرها نوب يفتح الثاني
ميثم :مابطلتي شوفت حال مو نطاح حضج وبعدج خشم يابس
فيان :اي اني وحده شايفه حالي وطايحت حظ شتكولون كولو وعلاء لو يضل اخر واحد مااخذه كولوله ماموافقه وانتهى الموضوع
ميثم :موبكيفج احنا موافقين
فيان :اني بعمر يئهلني اتخذ قراراتي بنفسي ومومن حقكم تفرضون عليه شي
وسام :سدو اللغاوي هسه بعدين نحجي بهل سالفه امي تعبانه
بس فيان خلي بالج ماكو احد يفيدج غير علاء لان منا وبينا شفتي بنفسج الغريب شنو سوا بيج لتعيدين نفس الغلط مره ثانيه
فيان :عفتهم ورحت يم امي الي نايمه وتعبانه ومتدري شي بالدنيا
نزلت دموعي عليها وعلى حالنا الي مدينصلح كعدت وشافتني توسلت بيها علمود ترجع تتعالج رفضت وبمرور الايام كدرت اقنعها
وبدينا وياها رحلة علاج شافت الامرين بيها واحنا نفسيتنه تتعب عليها
المشكله بدت المشاكل بالبيت وفاء وحياة بلشن يشدن ويايا وويا نرجس وجهالها
اني حايره بامي من ارجع من الدوام اقوم بكل واجباتها واسهر عليها للصبح ونرجس تشتغل حالها حالهن بالبيت وماراضيات
بلشن يحركن الولد علينه نرجس تشتغل وتسكت واني رغم مااعرف اسكت بس سكتت لخاطر امي ومراعات لوضعها الصحي
ومره بالليل اتصلت عليه شيماء حتى تطمئن على صحة امي سولفت وياها وانتبهت اكو خيال جوا الباب عرفت اكو احد يتصنط علينه
ثاني يوم لزمني ميثم كلي....
ميثم : اريدج تقطعين علاقتج ويا كرايب امير نهائيا هذوله موخوش اوادم ومااريد تختلطين بيهم
فيان :شلون عرفتهم موخوش اوادم ؟
ميثم :اي احد يخص امير موخوش ادمي
وبعدين موعبالج مااعرف هاي بتهم مدري عمتهم تحركج علينا
فيان :ماكو هيج شي ،،شيماء مومن هل نوع نهائيا
ميثم :من هل نوع ولا لا لااريد جيتهم بعد ولاتتواصلين وياهم
فيان :ميثم انته ماجنت هيج شنو غيرك انته الحنين والطيب ليش هيج صرت تعاملنا؟
ميثم :لان جنت غبي وماعرفتج عبالي ادميه واوكف وياج بس بعد الي سويتي وبسببج صرنه نتعير احجيها بوجهج كرهتج
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
