السلام عليكم
نور ال زياده
فيان :فتحت عيني صارت شيماء بوجهي انتبهت نايمه على سرير بغرفه افتهمت اني ببيت خالهم
شيماء :حبيبتي الحمد الله على السلامه شلون صرتي؟
فيان :بصوت واطئ وتعبان ،،،،زينه بس تعبانه
شيماء :يا صلاوات رجع صوتج الحمد الله
فيان :اثناء هل الكلام دخل حازم للغرفه عدلت كعدتي
حازم :الحمد لله على السلامه ماتصورتج هيج جبانه شنو هل الخوف قابل شفتي بعبع وخربتي ؟
فيان :فات وماباوع عليه ،توجه على كومدي بي اسعافات وادويه رديت علي (الله يسلمك )
كان داير وجهه من جاوبت راسن اندار عليه انصدم لان رجع صوتي
جاوب
حازم :هااا ماشاء الله رجع صوتج ؟
شيماء :فهمينا شنو اللي صاير وياج؟ لان ساره مافهمتنه شي بس كالت جايتكم وطلعولها
حازم :شيماء هسه ،مو وقت هل الكلام ،، خلي اعالج راسها بي دم وبعدين اساليها اللبنيه تعبانه
فيان :اجى شاف راسي بس مجرد لزمه روحي طلعت من الالم عبالك راد حجه حتى يرجع الالم
صحت (ااااخ )بصوت ناصي من المي
حازم :هاي شنو هذا راسج ينرادله خياط
فيان :لاعفيه اخاف عوفه
حازم :شعوف منه هذا الجرح عميق ولازم يتخيط
ليصير بيج شي
فيان :بدموع )ياريت بلكي اموت واخلص من هل الحياة
شيماء :ليش هيج تكولين ياعيني شجاج الله لاينطيهم مبين مسويلج شي
حازم : بعدين نشوف سالفتها خلي هسه نعالجها
راح اخيط الجرح اتحملي
فيان : نضف المكان من الدم وخله معقم وبلش يخيط واني روحي طلعت
وشيماء ماسكه ايدي تمدني بالقوه خلص ولف راسي
بس احس حيلي راح رجعت دخت
حازم :دختي مووو؟
فيان :اي
حازم : طبيعي هم نزفتي وهم مبين مضروبه براسج
اصلا يرادلج اشعه
شيماء كومي جيبيلها عصير لحد ما اعقم باقي جروحها
فيان :راحت شيماء وبلش حازم يعقم بجروح وجهي
باوع عليه بنضرة عطف
وكلي
حازم : واضح عليج احد ضاربج ولهذا التجئتي النا بس لتخافين هنا انتي بامان ماكو احد يكدر يسويلج شي
اشربي العصير ونامي شويه شكلج تعبانه ومن تكعدين الله كريم
فيان :شلون اذا اجى امير لهنا ؟
أنت تقرأ
لعنة حبي الكاذب
Romansaشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
