السلام عليكم
نور ال زياده
~~~~~~~~~~~~
الساعه ٦ صباحا ....
فيان :كاعده واباوع بااللوجوه....
ناس تلطم وتنوح،،، وناس تلم الكزاز وتنضف،،، وناس تسولف
وابني بحضني نايم ويشهك من كثر مابجى وانفزع
واني احس نفسي بعالم ثاني فاتحه عيني وكاعده بس اني منتهيه
دموعي مافارقتني ولانشفت
اباوع على خاله وشيماء مو احسن مني وضعهن
ام فاروق : يمه وليدي يمه الغالي ليش هيج حركت كلبي عليك يممه ليش ؟؟؟
فيان :سمعت كلامها ماتحملت صرت ابجي
بهل اثناء دخلو جماعة الانبار يلطمن ويولولن اجني على خاله وشيماء دخلت حجيه بدريه سلمت باوعت عليه واجتي باتجاهي
خليت ابني على القنفه رحتلها ركض حضنتني واني انهديت بحضنها صرت ابجي واشهك
حجيه بدريه :يمه بعد بيتي شدي حيلج انتي سباعيه
فيان :عمه ماضل عندي حيل خايفه عليه
حجيه بدريه : مابي شي ان شاء الله
فيان :عمه اخذو غركان بدمه وفاقد شلون بيه وفوكاها نتصل ميردون خايفه ليكون صارله شي
حجيه بدريه : خليها على الله يمه تعالي كعدي سوده عليه هاي شصاير بيج ووجهج اصفر
فيان :كعدتني وراحت على خاله الي فد مره صايره
بعدها حجيه بدريه عاطت بالكل.....
حجيه بدريه :كااافي اسكتن عاد !!
تنوحن وتلطمن على شنو ؟
موتنه للوليد وهو عايش بيش مفاولاته
كومي ام فاروق ،كومي ارتاحي بغرفتج
فيان : اخذوها دخلوها للغرفه ترتاح لان ضغطها ارتفع
ثواني ودخلو بيت ابو خالد بعدين فهمت الكل جايين سوا بس ناس وصلت قبل ناس
حتى بناتهم جايات وجناينهم سلمو وكعدوا بس زينب وذكرى يباوعولي صفح عفتهم لان موبحالهم نهائيا كلبي مثل النار على حازم بعد المنضر الي شفته بي
رجعت ذاكرتي قبل ساعات بالليل
الساعه : ٩مساءا
سمعنا انفجار ورمي بحيث عبالك جبهه انفتحت على البيت
نزلنا للارض نحاول نحمي نفسنا لان حتى الجام تكسر
تذكرت حازم بالمطبخ صرت اعيط صحته بصوت عالي بس ماسمعتله رد
الكل يصرخ وابني انرعب من الاصوات ضلينا تقريبا عشر دقائق بحال بس الله يعلم بي من سمعنه راح الصوت وصار هدوء وقبلها صوت سيارات شخطت رفعنا نفسنا
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
