لعنة حبي الكاذب

البارت الحادي والثلاثين

السلام عليكم

نور ال زياده

فيان :راح حازم بسرعه فتح الباب

حازم :شكو ،،شبيج ،،شنو الي صاير ؟

شيماء :الحجيه اجتي وسالت عليكم خفت تنزلون وانتو متدرون بيها جايه

حازم :خرب يومج هبطتينه عبالنا شي صاير اكو واحد هيج يدك الباب ؟

فيان :وكفتي كلبنا يمعوده

شيماء :حقج هو اني اختها ومن فاتت للان مجرور بوشي بس نضراتها كفايه

ونوب من سالت عليكم عبالك ضابط تحقيق مودتسال سؤال خلتني مااعرف ابلع ريكي

،رتبو نفسكم ونزلو سوا حتى لتشك لان طريقة سؤالها تدل عدها فضول اتجاهكم وجايه تتاكد

والمشكله جايه من البارحه ورايحه لبيت ام اوس ومتصالحات يعني اذا كشفتكم معناها راح يوصللهم خبر

حازم :صار سنين متزاعلات على حضنه قررن يتصالحن؟؟

فيان :وهسه شلون وترتوني اخاف تكشفنا ؟

شيماء :لتخافين حازم يعرف يرتبها ويقنعها

حازم :ليش تحسسيني اني براد بيت بالتمثيل
ترا اني حتى جذب مااعرف اجذب راسن انكشف

فيان :انتو شنو ناوين تخبلوني خوفتوني منها لاانزل ولا اسلم كولولهم نايمه او هجت او حتى ماتت شنو هل التوتر اني اصلا اعصابي ممتحمله

حازم :لا شلون متسلمين اصلا اذا ماسلمتي توقعي تصعد هيه عليج وراح تنحرجين اكثر

امشي ويايا واني راح اضطر اصير عامر خان على الاقل مو الا براد بيت ولو همه ميوصلون لجمالي وذكائي بس ميخالف نحاول نمثل مثلهم

فيان :ههههه ،يالمغرور ولاتجوز استقر شويه ماعاجبك براد بيت  ليش انته تلحكه ؟

حازم :فيان اكعدي راحه لتخليني اكلب عليج واخرب الاول والتالي واخليها تصعد تبتلش بيج واني اتفرج واضحك عود بهذاك الوقت كولي عليه مغرور خلي يفيدج الحجي

فيان :لا يابه اعتذر تروح فدوا لكل الممثلين ماعدا كريس همسوريث حبيبي لتقارن نفسك بي

شيماء :والله انتو ثنينكم مكانكم موهنا بالعصفوريه على كولت السوريين

واني اكول عليك العاقل والثكيل والرزن اشو متغير موحازم الاولي؟

اخاف فيان بدلتك انته كاعد تشاقه واكلك الحجيه سالت عليكم تحركو شنو تنتضرون فضوني

فيان :نزلت شيماء واني رتبت نفسي ولبست ملابس حلوه وبدلت لابني طلعت لكيت حازم هم مرتب نفسه

نزلنه لكيناها كاعده بالهول مال اهل البيت هي ووياها بنيه متوسطه بالعمر وشاب يطلع بعمر حازم او امير هيج تقريبا