لعنة حبي الكاذب

البارت الخمسون

السلام عليكم

نور ال زياده

~~~~~~~~~~~~

يامن سكنت القلب والروح

يامن كنت دائي ودوائي

الم يكفك هجرا وفراق

الم يحن وقت اللقاء

عد لقلبي فقد فاض بي الشوق وتبعثرت ايامي

فيان :درت وجهي وشفت الي صار سنه ونص اتمنى اشوفه لو حتى اسمع صوته او اعرف عنه شي

صرت اتمعن بي وبشكله وتفاصيله متغير وضعفان

ثواني ورفع راسه باوع عليه وشفت نضرات الصدمه بعيونه !!

حسيت الكون توقف بينا ماعدت اشوف غيره وهو مارف جفنه ضل ينضرلي قطع لحضاتنه صوت الدكتوره اسيل من كالت....

اسيل : بنات اعرفكم على زوجي المستقبلي الدكتور حازم

فيان :من سمعت هل كلمه حسيت بصاعقه ونزلت على راسي احس حتى بعد مااعرف اتنفس

باوعت عليه احاول اشوف او حتى اسمع منه كلام ينفي الي سمعته او يغير من الحقيقه ماشفت منه غير بس نضرت غرور اعتلت ملامحه

هنا عرفت وتاكدت انو.خسرت حازم للابد ومن غير رجعه

بلحضتها ماتمنيت شي بكد ماتمنيت اموت واخلص من عذابي الي مدينتهي

عرفتنه علي اني وكم وحده كانن واكفات من الدكتورات والمتدربات

وهو سلم عادي كانما شخص لاعرفني ولاحبني بيوم من الايام

صار جسمي يرجف احس فجئه بردت واعصابي بدت تنهار كلت ويانفسي خلي انسحب قبل لاانهار واخسر اخر جزء من كبريائي

ترخصت ومشيت وحتى اكلي مااخذته ردت اركض،، اهرب من هل العالم،، ردت مكان او حتى شخص يحتويني ويحتوي كسرت نفسي الي حسيت بيها بساعتها

دخلت اقرب غرفه فارغه للاطباء متحملت الم كلبي نزلت للارض وصرت ابجي بحركه

كلبي احسه يتكطع من المه واحس روحي دتطلع

نساني الي سكن كلبي وروحي وكمل حياته ويا غيري

ضليت اتسائل ويانفسي هم يحبها؟

هم يداريها ويحن عليها مثل ماكان يسوي ويايا؟

هم عيونه تلمع من يباوع عليها مثل ماكنت اشوف اللمعه بنضراته اتجاهي؟

هم يخاف عليها ؟

ضلت الاسئله تنهش بعقلي الي تعب من قوة الصدمه صار سنه ونص اتمنى اشوفه ومن شفته كان ملك لغيري وحتى سلامنا كان بارد

مو هو هذا اللقاء الي كنت انتضره طول هل وقت

مو هذا حبيبي الي كنت احلم واتئمل واكول يحبني ومنتضرني وماراح ينساني