السلام عليكم
نور ال زياده
~~~~~~~~~~~~~
لكل قلب حكايه ....
ولكل بدايه لها نهايه ....
اماانت فانت قلبي وحكايتي وانت بدايتي ونهايتي .
بعد مرور سنه...
المكان ،،،بغداد ،،،صباحاّ
نرجس :يله ياعيني كومي،،، كافي،، يسار ينتضرج كافي عاد انسي وعيشي
فيان :شلون انسى وشنو انسى،،، انسى الشخص الي حبني وضحى بحياته حتى اعيش،،،، لو انسى كل شي عشته ويا بهل سهوله؟
مااكدر صدكوني ،،،مااكدر،،، مدااكدر اتقبل اي شي بعد موته ،،،،انتو هم ارحموني وعوفوني ولتلحون عليه
نرجس :ويسار شنو ذنبه وياج كافي اصحي وزوجج هم اله حق عليج وصبر عليج هوايه ماكو واحد يسوي الي سوى ولايتحمل الي تحمله منج
يله تعوذي من الشيطان وكومي،،، الحي ابقى من الميت
فيان :انتي شنو تحجين شلون انسا واعيش عادي؟
نرجس :يابه لتنسين بس كومي روحي ويا رجلج ينتضرج برا لتكسرين بخاطره ،،،كومي عازمج على الريوك غيرو جو وفتحي صفحه جديده ترا تعب وياج وهو مااله ذنب
فيان :كمت خليت الشال على راسي باهمال واخذت حقيبتي وسلمت وطلعت واني كارها حتى نفسي
شفته من بعيد واكف بالباب شايل ابني توجهت باتجاها بخطوات متعبه ومتثاقله بثقل هموم قلبي
اليوم مرت سنه على اليوم المشؤوم احد ايام عمري الملعونه
فقدت بيها عزيز جديد كان لازم حتى اعيش واكمل حياتي يتقدم قربان جديد وضحيه جديده كان لازم وجود دم يحني ايام عمري حتى اعيش وياباقي احبابي براحت بال بس اكيد موبراحة ضمير
حازم :وين صرتي يسوري جاع ؟
فيان :شنو الجديد من شفته وشافني جوعان
باوعت ولاارادي ابتسمت رغم الالم الي بداخلي اباوع علي هو.وابنه شلون يشبهه حتى بشقار شعره الي بارز تحت اشعة الشمس بس ماخذ من يسار اسمه وحبه للاكل
ردت اخذه منه رفض واصلا يسار ميرضى الا يكعد بحضن ابو من يسوق السياره
صعدنه متوجهين لاحد مطاعم بغداد حتى نتريك
مع انو مااشتهي ونفسيتي تعبانه بس وافقت لخاطر حازم
اباوع علي هو وابنه الي متعلق بي وميعوف ابو نهائيا حتى من يقود السياره
اليوم يسار صار عمره ٦اشهر
خليت راسي على الجامه وتذكرت اليوم الي مرت علي سنه
العوده للماضي قبل سنه
~~~~~~~~~~~~~~~~
فيان : غمضت عيني حسيت فقدت لوقت قصير فتحتها لكيت الناس وعساكر يبعدون عني حازم ويسار الى كانو ثنينهم غارقين بدمائهم
أنت تقرأ
لعنة حبي الكاذب
عاطفيةشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
