لعنة حبي الكاذب

البارت الخامس والخمسون

السلام عليكم

نور ال زياده

~~~~~~~~~~~~~

نرجس :اليوم الثاني على وفات امي مااتذكر ألي صار قبل يوم لأن كلنا كنا مصدومين وما استوعبنا الي صار،،،، دفناها وودعناها بالدموع والألم

شيماء :ام عمر شلون راح تضل هيج لااكل ولاشرب وبس تصفن باللوجوه خايفه عليها؟

نرجس :اني هم مثلج ماعاجبني وضعها وألي مخوفني مانزلت دمعه للان

شيماء :وهسه شنو نسوي ؟

نرجس :مااعرف ،،،،اكلج حازم درا؟

شيماء :اي درا وكلش انقهر وتأثر وكام يلوب من كتله وضع فيان لأن سألني عليها

نرجس :خطيه لوماكايلتله راح يضل باله وهو مسافر
.
.
ألتمت الناس كلها حتى اهل ابويه عماتي وعمامي ونسوانهم وولدهم وبناتهم وخوالي واهلهم  هم اجوي

وفاروق ووسام وميثم تجي الناس تاخذ من خاطرهم

بيت ابو خالد اجوي كلهم وبيت حجيه بدريه اجوي كلهم من البصره بس همه وحدهم سدوا الچادر
واني ورنا نستقبل النسوان لأن فيان حاليا بغير عالم

من شافت امي ميته وهي انصدمت مااستوعبت الأمر ووضعها مخوفنا

نبراس :ام عمر زوجج يصيحج يم باب المطبخ

نرجس :،اي راح اروح

كمت رحتله كان متكئ عل الباب كتله ...

--ها حبيبي كالو تريدني ؟

فاروق :عيوني انتي ،،،، بشريني شلونها فيان ؟

نرجس :موزينه على حالها لااكل ولاشرب ولادمعه نزلت منها بس تباوع باللوجوه بشكل غريب

فاروق :شيماء كايله لحازم ومتخبل يريد يرجع بس ما لاكي حجز وديلوب عليها كل شويه يتصل يسأل وحتى ابويه هم ضل باله وضل يسال عليها حاولي توكلوها شي او حتى تشرب عصائر موزين تضل هيج وهي دائما يصير عدها هبوط

نرجس :راح احاول والله كريم

فاروق :انتي شلونج حبيبتي ؟

نرجس :على الله  شسوي مابيدي شي هذا امر الله

فاروق :اامنت بالله ديري بالج على نفسج وعلى اختج وعمر يمي ليضل بالج علي

نرجس :راح والتهينه بالناس حاولت ويا فيان ماخلت شي بحلكها رافضه مااعرف على شنو تعاقب نفسها والمشكله كلمه مانطقت للأن

ل ليل حسيتها تعبت ووجها صار اصفر والمشكله رنا ووفاء واهل ابويه مديعوفوها بحالها كل شويه ذابات كلمه بس هي اصلا احسها ماجاي تسمعهم

ثالث يوم من الصبح كعدنا من وقت لأن الثالث والناس هواي تجي

خطيه شيماء ونبراس وسهر بنتها لحجيه بدريه هلكن من التعب لازمات المطبخ وكفن وكفت اهل