السلام عليكم
نور ال زياده
~~~~~~~~~~~~
فيان : انصدمت من سحبني وضمني لصدره وحضني
ماابالغ من اكول حتى تنفسي توقف من اللحضه وقربي منه
مااسمع بس دقات قلوبنا اني وهو وانفاسنا المضطربه
حسيت براحه وامان بحياتي ماحاسته ماردت ابتعد نهائيا عنه
سمعته يتكلم كلي....
حازم :يمكن اني مو اول شخص بحياتج
بس امنيتي اكون اخر واهم شخص عندج
مثل ماانتي صرتي اهم انسانه عندي ومااكدر اعيش بدونج
فيان :تفاجئت من كلامه وتصرفه!!!
ابتعدت عنه بهدوء واني مصدومه ضليت اباوع عليه كتله ....
شلون مافهمت والي تحبها ؟
حازم :الي ساكنه قلبي وروحي ومئذيني بجفاها واكفه كدامي ومااريد غيرها
فيان :فتحت عيني مصدومه صدمة حياتي من الي سمعته !!!
يعني شنو اللبنيه الي يحبها حازم اني مدااستوعب اني بحلم لو حقيقه قطع افكاري ونضراتي اني وهو صوت الباب اندار راح فتحه كل الي صار واحنا واكفين بغرفته فتح الباب شفت شيماء شايله احمد
شيماء :عيني هذا القرد مالتكم خلصوني منه
فيان :جيبي
شيماء :حازم وين العلاج خليته ؟
حازن :بالمطبخ
شيماء :تعال فهمني علي
حازم :روحي واجي وراج
فيان :راحت شيماء اندار عليه وكال ....
حازم :اعرف بعدج مصدومه ومتفاجئه بلي سمعتي بس هي هاي الحقيقه الوحيده الي كنت اكابر واجاهد حتى اخفيها
اي فيان هي هاي الحقيقه انتي الي احبها واتمنى اكمل وياها العمر كله لانسرين ولاغيرها
اسف يمكن خيبت ضنج وانتي مئمنه بيه كصديق
بس صدكيني موبيدي حبيتج غصبن عني بس يبقى القرار الاخير الج اذا تقبلتيني بحياتج اولا ماراح اضغط عليج
راح اخليج تستوعبين الامر على راحتج واني مستعد انتضرج لو العمر كله ومنا لحد متتخذين قرارج نبقى على اتفاقنا ميتغير شي
ولتتوقعين اضغط عليج اريد تتخذين قرارج بكامل قناعتج ورضاج ومهما صار وكان قرارج حازم الي تعرفي ماراح يتغير راح اضل سندج بعد رب العالمين
فيان :تكلم هل كلام وطلع وغلق الباب بعده
اني من الصدمه وعدم استيعابي للكلام الي سمعته جسمي صار يرجف وقدمي بعد متشيلني
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
