السلام عليكم
نور ال زياده
شيماء :يوم ما كنا كاعدين العصر بالحديقه كلنا سمعنا صوت الباب ....
بس شنو الي يطرقها عبالك ديفلشها !
ومن قوة الطرق وقفنا على حيلناوواحد يباوع بوجه الثاني ونتسائل منو !!!
اجانه صوت اوس بس مبين من صوته كان بقمة غضبه
فتح فاروق الباب ودخل اوس بس النار تجدح من عيونه وشكله مخربط
من غير سلام وبصوت غاضب ومرتفع كال ...
اوس :وينها،،،، وينها صيحوها خلي تجي
ابوفاروق ؛وعليكم السلام بالاول ومنو هاي الي تحجي عنها؟
اوس :خالي اعذرني ماسلمت بس راسي مفتر من الصبح الي هسه ادور ...
صيحولها خلي تجي دااتفاهم وياها
فاروق :غير تفهمنا منو هيه؟
اوس :فيان غير ،،،منو غيرها
حازم :وشجاب فيان هنا؟ وشنو يعني وين راحت وانته تدور عليها؟!
اوس :يعني شنو تحجون صدك ؟
يعني مموجوده؟!!!
لا ياالحمزه وين راحت هاي اذا الي ببالي سوته الا العب بيها طوبه واحسب الله ماخلقها ..
حازم :شنو الموضوع وشنو هل الكلام ليش شنو سوت ؟
اوس :لاهيج موضوع ميخصكم
حازم :شلون ميخصنا وانته جاي علينه وداخل بهل الطريقه،، وتدور عليها،،، انته دخلتنا حتى لومنريد نتدخل
شيماء :فهمنا شنو الي صار ؟
اوس :ماصار شي اني رايح اودعناكم
ابو فاروق :من يوم الي التجئت بي فيان لبيتي واني اعتبرتها بنتي ...
ومن اعرف مختفيه وانته تدور يعني لتتوقع تطلع بدون مااطمئن عليها واعرف اخبارها ..
اوس :خالي من الاخير فيان تركت بيتنا ومن غير لاسلام ولاكلام كلشي ماحجت ...
البارحه كان عندي خفاره رجعت الصبح دزيت هاجر تستفقدهم اني كل يوم ادزها حتى اشوف شنو محتاجين شنو طلباتهم ...
رجعت هاجر تكلي مموجودين ماكو احد فتح الباب
صعدت دكيت الباب ماكو رد ضل بالي انجبرت اكسرها ليكون صاير بيهم شي ...
بس مالكيت احد ومبين ماخذه اغراضها وملابسها ...
طلعت ادور عليها ومن الصبح لحد هسه ماكو مكان ماسالت عنها بي وحتى عل اختها رحت
ابو فاروق :اختها شنو يعني شنو رجعت تصالحت ويااهلها؟
اوس :موضوع يطول شرحه خالي خلي اروح ادور عليهم
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
