لعنة حبي الكاذب

البارت الاربعين

السلام عليكم

نور ال زياده

~~~~~~~~~~~

نسرين :شنوووو ؟؟شنو زوجتك منو مافهمت؟

حازم :اي جزء من.كلامي مامفهوم؟؟

الي تتكلمين عنها وتتهميها انو عدها علاقه بيه
ولي كلكم  دتتناقلون هل الكلام

هي بالحقيقه تكون زوجتي "

نسرين :لاممعقوله!!! ليش احنا منعرف بهل شي لعد؟

حازم :مامجبور ابرر لاي شخص خصوصا اذا يكون الموضوع يخص حياتي الشخصيه

فيان زوجتي عجبكم ولا لا ...

وليش ضمينا هل شي لان فيان مومثل بنت اختج تدور واسطات وتحب تصير محط الانضار

تريد تنجح بمجهودها الخاص بعيد عن المجاملات

فيان :اباوع على الكل وجوهم صارت تنطي الوان

اما دكتوره نسرين حسيتها راح يغمى عليها من الصدمه !!

كملها حازم من كال....

حازم :الموضوع ماانتهى وراح اوصله لاكبر مكان ولارفع شخص

مااسمح لاي شخص يطلع اشاعات عليها وهذا كلام موجه للكل وقد اعذر من انذر

فيان :كان كلامه بصوت عالي وبعصبيه خلص الكلام والكل ينضرلنه مصدوم وكملها من جر كف ايدي ومشى ومشيت بعده ضليت اهمس

حازم ،،،حازم

بس ميرد عليه نهائيا والاغرب قبضة ايده القويه على ايدي عبالك راح اهرب منه

طلعنا وصلنا لسياره كلي... اصعدي

فتحت الباب وصعدت من غير كلام لان كلش عصبي واخاف ينهد بيه

الطريق كله ساكت بس احسه داخله يغلي و اني ماتحملت كلت ....

--ليش هيج سويت ؟؟

اول ماخلصت كلمتي اندار عليه بعصبيه وكلي ...

حازم :شنو سويت؟

فيان :حازم تعرف قصدي ليش كلتلهم اني زوجتك؟

حازم :تريديني اسمع الي سمعته عنج وانتي على ذمتي واسكت مووو ؟

شنو شايفتني طرطور اني ؟

فيان :لاحشاك صدكني موقصدي بس....

حازم :من غير بس فيان الكل عرف وانتهى النقاش بهل موضوع

فيان :اخاف هل شي يسببلك مشاكل ؟

حازم :وليش يسببلي مشاكل؟

فيان :يعني اخاف دكتوره نسرين تزعل.....

حازم :وهاي فد قن**** زعلت ولامازعلت

اصلا ماراح اسكتلها على هل سالفه ميهمني اي احد بعد

فيان :يتكلم بعصبيه وصوت عالي كلت خلي اسكت احسن الي ماعندي حيل للان الموقف ماخذ حيلي