السلام عليكم
نور ال زياده
فيان :اليوم موعد الجلسه وايدي على كلبي من الخوف
كل دقيقه احضن ابني حتى احس بامان وجوده
حضر ويايا فاروق محامي الي
وشيماء ونرجس مرافقات الي
طبعا خلال هل الايام اجرولي المشتمل واثثوا اليه
من رحت تفاجئت بالمكان والترتيب
الولد وشيماء ماخلوني كل شي اسوي نهائيا
وحتى نرجس هم اجت وبيومها تعشينا سوا ببيتي
الي من فرحتي بي كل شويه افتر بي وانضفه
واخيرا صارت الي حياتي الخاصه واستقليت مثل ماكنت احلم
*
*
صاحوا اسمنا دخلنا....
وقدم محامي اوس طلباته للمحكمه واسباب طلب الحضانه والي هيه....
انو لاني غير مؤهله ومااملك سكن ولاعائله ولاعمل ولااي شي ممكن يخليني ام صالحه لتربية ابني مثل ماتوقعنا تماما
كان عندي امل اني اكون ضلمت اوس والي ديسوي بيه بسبب تصرفاتي ويا
بس اليوم اثبتلي هو فعلا ميفرق عن امير شي
واكبر ذنب سويته بحق نفسي لمن ربطت حياتي بيهم
والذنب الاكبر اذا رجعت كررت نفس الخطا وارتبط باوس
شفت نضرت انتصار وتحدي بعيون اوس
لحد مابدى فاروق بالكلام ....
وقدم ادله تثبت انو اني طالبه طب
واعمل عمل مناسب جدا وبمكان محترم
واسكن ببيت يملك المواصفات المناسبه لتربية طفل
واختي تسكن ويايا (طبعا هل شي كان ضروري لان بمجتمعنا ممقبول امراه تسكن وحدها )
هنا وشفت الصدمه والذهول والغضب بعيون اوس وحتى بتصرفاته
حسيت براحه وكلت راح اكسب واخذ ابني لان ماكو بعد اي حجه حتى ياخذه مني
لكن مع الاسف خابت امالي لمن استخدم محامي اوس ادله تغير كل مجرى القضيه !!!
بهل الادله اثبت اوس مدى دنائته وحقارته
تمنيت اموته بيدي واعصابي انهارت
بس نرجس وشيماء هدئوني لان موبصالحي الغضب
قدم صور وفديو يوضح بي انو اني امراه متعددة العلاقات واخلاقي سيئه
ردت بس افهم شنو قصدهم ماكدرت
بس نضرة القاضي الي كانت كفيله انو تفهمني استحقاره الي
هنا عرفت اوس طعني بشرفي واستخدم ويايا انذل طريقه حتى يلوي ذراعي وياخذ ابني
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
