السلام عليكم
نور ال زياده
فيان :اليوم يوم جديد ومتئمله حياة جديده تكون احسن من الي عشتها ....
كعدت الصبح سبحت اني وابني وبدلنا وتريكنا
وشيماء هم ويانا ...
رتبت نفسي وطلعت متوجهه للجامعه اول مانزلت صار حازم بوجهي من شافني كال ...
حازم :صباح الخير
فيان :صباح النور
حازم ؛يله امشي تاخرنا على الدوام
فيان ؛قصدك انته تاخرت لان اني بعد وقت لمحاضراتي
حازم :اني ،،،انتي ،،،ماكو فرق المهم نستعجل
فيان ؛لعد شنو تنتضر ؟روح انته الله وياك
حازم:وين اروح غير انتي ويايا
فيان :ليش ؟
حازم ؛شنو هل السؤال غير علساس كدام الناس زوجتي
فيان :كدام بيت عمتك مو كل الناس،،
بالجامعه لااعرفك ولاتعرفني نهائيا
انته استاذي واني طالبتك
حسيته ضاج من كلامي بس مابين هل شي كال ...
حازم :اي على راحتج مثل متريدين من حقج هو بالنهايه مجرد اتفاق واكيد من ننفصل تريدين تشوفين حياتج ومتريدين احد يعرف الي يربطنا
اني رايح باي...
-صعد السياره وفتح الجامه وكال...
حازم :زين كل شي افتهمت شلون راح تروحين؟
فيان:راح تجي فاطمه عليه
حازم :مثل متريدين بس الافضل تخلين خط لان منضري كدام الناس محرج واني الي على ذمتي تروح ويا الغريب على الاقل سياره خط اوجه
فيان:تكلم هل الكلام وشخط السياره وراح
انتضرت خمس دقائق اجت فاطمه وخطيبها اثير وصعدت وياهم
وقررت اخلي خط لان فعلا بعد مترهم فاطمه بغير منطقه وتجي عليه
داومت واخذت محاضره والثانيه حازم دخل سلم
وبلش محاضرته
بس ولاباوع بوجهي واصلا كان ضايج وعصبي حتى الكل انتبه لهل شي
من طلع ضلو يتسائلون شنو الي بي؟
وخصوصا الكل متعلم علي هادء ورزن اني هم مثلهم تفاجئت وضعه!!!
كلت اخاف تصرفي الصبح ضوجه؟
بس لا مااضن لان هو اتفاق اولا
وثانيا هو هم ادري بي ميريد احد يعرف الي بينا لان احس مهتم بدكتوره ويانا
وكل الي سويته علموده لان اني بعد ميهمني احد خصوصا لان قررت الغي موضوع الزواج من تاريخ حياتي....
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
