لعنة حبي الكاذب

البارت التاسع والثلاثين

السلام عليكم

نور ال زياده

زينب :ياسا**قطه ياحقي**ره ياخا**ينه ولج ماخذه تاج راسج وتخونينو  شكد رعنه انتي لعد

ذكرى :يمه ،يمه واني عبالي خوش ادميه طلعتي بت شوارع

فيان :كل وحده تتكلم شكل وغلط وعياط طلعوا الولد على اثرها

خالد :شنو هل العياط شكو ؟؟

ذكرى :تعال شوف مرتو لابن عمك الشريفه كاعده تتسامر وترقم ويا ابنو لخالتك

استبرق :اي ابن عمتي صدك اني هم شفتهم كلنا شفناهم،،، رادو يتباوسون وقطعنا عليهم اللحضه

فيان :اعصابي صارت ترجف من اللحضات الي دا اعيشها ماعرفت حتى ارد احس لساني نربط سمعنا صوت عياط رج البيت رج "

حازم : كاااااافي ،،،كافي صوتجن لاابتلي بيجن

ولي خلق الخلق اذا سمعت كلمه ثانيه على مرتي ماخلي طابوكه على طابوكه واكفه بهل بيت

ولاراس على جسم "

ذكرى :ابن عمي احنا نكذب هاك هاي صور شوف طيحان حظ مرتك

فيان :قربت الموبايل منه تراوي واني جسمي كله صار يرجف عيونه صارت تجدح نار كتله بصوت يرجف ....

حازم والله كان يسالني على تقارير صديقه ووكف يمي هذني يكذبن

فراس :صدك وهاي التقارير بعدها على شاشة الموبايل اذا متصدك

فيان :باوع حازم على فراس نضرات حسيته راح يطلع روحه بحيث فراس رجع خطوتين ليورا وبغضب اول مره اشوفه من حازم ركع الموبايل بالحايط طشره صار قطع

زينب عاطت!!

زينب :لا موبايلي راح ليش هيج سويت ؟

عاط بيها وكال....

حازم :حتى مره ثانيه تبطلين تتبلين على احد وتبطلين تتهمين اي بنيه بشرفها لان انتي هم بنيه عيب عليجن عبالي عدجن سالفه

فيان دكتوره طبيعي الناس تراجعها وتسالها بحالاتهم المرضيه

جيبو الموبايل ،،،

فيان :اخذته من ايد فراس انطيته اله باوع بي بس بخوف حسيته متردد 

رفعه بوجه خالد وكللهم هاي شنو؟

خالد :اضنو تقرير مال مريض مو؟

حازم :اي فعلا واني ادري بالسالفه وزوجتي استاذنت مني حتى تشوف هاي التقارير

والي صار هسه عيبه بحق مرتي وبحقي احنا دكاتره وحياتنا مكرسه في سبيل الناس

مهمتنه انسانيه وبعيده كل البعد عن التفاهات وعقول الناس المريضه

مهند :ماصار شي ابن عمي احسبها علينه سوء تفاهم ونحلو بينا

حازم :لا مانحل ولاراح ينحل  اني مرتي يكولون عليها هل الكلام الوصخ ويغلطون عليها واسكت؟؟