لعنة حبي الكاذب

البارت السادس عشر

السلام عليكم

نور ال زياده

كل خذلان يمكن نسيانه وتقبله الا ان نخذل من اقرب الناس الينا فلا يمكن جبره او تقبله

فيان :اخذت ابني وضميته لصدري احاول اواسي نفسي بي واحاول اهدئه لان روحه مفرفحه من البجي عليه

اوس :امشي فيان اخذج لبيت عمي كعدي هناك لحد ماتخلص الفاتحه واشوفلج حل

شيماء :وين تروح ماكو داعي ناخذها يمنا

اوس :ماكو داعي نثكل عليكم فيان واحمد مسؤليتنا واحنا نتكفل بيهم

حازم :واحنا موغربه عنها واقرب الها من بيت عمكم  فتجي يمنا افضل

فيان :اسمع كلامهم واحس نفسي صرت مشرده ومحتاجه ماوى ماصارلي يوم من فقدت زوجي وابني ماضل عندي مكان ابقى بي

جاوبتهم

شكرا الكم بس اني مااروح يم احد عندي بيت واسكن بي بيت زوجي موجود واروح بي

حازم :يابيت تروحيله منو يئمن عليج هناكه بعد الي صار ....

وبعدين يعتبر مسرح جريمه ممنوع احد يدخله اني للان مافهمت شلون الشرطه سدت الموضوع بهل سهوله ؟

لا وسمحت ندفنهم اصلا هيج موضوع يحتاج فتره يله يخلص انسي تروحين للبيت هذاك

شيماء :اي اكيد متروح شنو جايزين منج

فيان :رجائا فهموني مااريد اثكل على احد او حتى اروح لمكان ثاني عندي بيت واروحله

اوس :فيان اسمعي كلامي وامشي لبيت عمي لان هذاك البيت ممنوع تدخلي بعد الي صار والصراحه هو بعد البيت ....

فيان :شبي؟

اوس :هو الحقيقه هذا البيت ايجار مو ملك امير

فيان :شنووو؟؟؟ لا ممعقوله اني شفت سند البيت البيت ملكه مو ايجار

اوس :اي صح هو اشترا بس بعدين احتاج وباعه قبل فتره قصيره واجره من مالكه الجديد وهسه المفروض نفرغه وانسلمه لصاحبه

فيان :شنو بقى ماسوى بيه وبجهاله فهموني؟

لا وبنفس اليوم يطلب مني اسامحه ونرجع طبيعي
واني الغبيه كنت ناويه اسامحه وافتح ويا صفحه جديده

اوس :مع الاسف حذرتج وكتلج امير ميتغير ولترجعيله بس بعد صار الي صار وميجوز عليه غير الرحمه

فيان :اي رحمه وهو ماخلى شي ماسوى وبسببه ابني راح

حازم :هذا كلامكم بعد ميفيد كل الي نعيشه قدر وسواء عجبنا ولامعجبنه يصير ونعيشه ،،،،

يله فيان الطفل تعب امشي نروح وبعدين نشوف حل

شيماء :اي يله امشي ومااريد نقاش واذا رفضتي بعد متشوفيني طول عمرج وهل المره بعد لااعرفج ولا تعرفيني