لعنة حبي الكاذب

البارت الثاني والعشرين

السلام عليكم

نور ال زياده

فيان :دخل فاروق وويا اوس

اول ماشفته تملكني الغضب والخوف مااعرف ليش

احس قلبي راح يتوقف من التوتر يمكن لان هددني اخر مره بابني

فات وكال....

اوس :السلام عليكم

الكل :وعليكم السلام

اوس :شلونج فيان شلون صرتي ؟

سمعت باللي صار وياج واجيت اتحمدلج بالسلامه

مهما صار بينا نبقى اهل وانتي عزيزه عليه

فيان :الله يسلمك ليش تعبت نفسك لو اجيت تشوف بنفسك شنو الي صاير بيه بسبب عمايلكم

اوس :ليش هيج تحجين تعرفين كلش زين اني اخر واحد يتمنالج الاذيه وبعدين اني شعليه باللي صار بيج

فيان :الي وصلك الاخبار ماوصلك شنو سبب الي اني بي ؟

اوس :مااعرف على شنو تلمحين....

على العموم اجيت حتى اتمنالج السلامه وارجع
واكول احنا اهل انسي كل الي صار بينا....

وبيتج ينتضرج واوعدج ماكو احد يئذيج لو يوصل يمج تبقين معززه مكرمه وماكو داعي نكبر الامور وانتي ام ابنا

فيان :معززه مكرمه هه

كلش واضح ...

بالبدايه تفرشولي الارض ورد وبعدين من امشي يطلع هل الورد مليان شوك يملخني ويخليني انزف لحد الموت ...

هذا انته واخوك واهلك دمرتوني بهل طريقه

اوس :مااسمحلج تقارنيني باخويه الي ياما وياما حذرتج منه وكتلج عوفي ميفيدج ودائما كنت احميج منه

فيان :حميتني منه ونسيت تحميني من نفسك ابو هاجر(شددت على الكلمه الاخيره )

اعتبرتك اخ وسند تالي طلعت متفق ويا اخوك

وموبعيد حتى اختي هم وياكم

ودمرتوني لسبب مااعرفه

اوس :فهميني شنو الي صاير ....

وشنو الي واصلج عني ومشوهين صورتي كدامج هيج

ولو ليش استغرب انتي كل ماتجين هنا تتفرعنين علينه مااعرف ليش

سمعنا صوت غاضب ورانا وسكتنا من كال...

حازم :يمكن لان هنا ناس تعرف الله صدك

ناس يعتبروها منهم صدك...

، ومستعدين كل شي يسوون حتى يحموها ويصيرولها سند...

مويحموها علمود مصالحهم الخاصه ،،

ولهذا تحس بالامان والراحه الي تخليها تكدر تشوف وجوه الناس على حقيقتها