لعنة حبي الكاذب

البارت السابع والاربعون

السلام عليكم

نور ال زياده

~~~~~~~~~~~~~

احببتك الى حد الجنون...

فخذلتني الى حد الموت ....

ورغم ذلك لازال قلبي الساذج متيم بحبك

ضننت بي اني لعنتك

لكن الحقيقه انا اصبحت ملعون بحبك الاعمى الذي اصبحت متاكدا انه لن يرى النور طوال العمر

كشف الحقائق

**********

شيماء : موت احمد غير فيان ١٨٠ درجه الكل بدا يضوج من تصرفاتها بس مع ذلك كنا عاذريها بسبب الي دتمر بي

والوحيد حازم و رغم كل جفاهاوتصرفاتها القاسيه ويا ضل مراعي ضرفها ومتحمل وضل يكول فيان تعبانه ودخلت باكتئاب

طلبت الانفصال واكيد هو رفض لان خسرها اكثر من مره وماكان مستعد يخسرها مره جديده وخصوصا وهو شبه متاكد من حبها اله

خلاها تروح يم نرجس حتى تهدء وترتاح نفسيتها بس هو الي تعبت نفسيته فعلا اصبحوا روح وحده ويتئثرون ببعض

خلال ايام انقلبت حياتنا حمودي وفيان تركوا فراغ كبير من راحوا وحزن اكبر صار بيتنا اضلم الكل حزين ومشتت وحازم رغم المه ومرضه طول الوقت باله يم فيان

ضل يتصل بنرجس حتى يطمئن على فيان ضلينا ايام على هل حال الى ان بيوم اجتي فيان وكان شكلها وتصرفاتها غريبه بدون سلام سالتنا على حازم ومن سمعت جوابنا صعدتله دقائق وسمعنا صوتها عالي والاغرب سمعناها تغلط علي

ردنا نصعد بس ابو فاروق منعنا كال همه يحلون مشاكلهم بينهم عيب تدخلون

الامر ماطول والعياط زاد بس الاغرب من سمعنا صوت سيارات النجده وبعدها صوت طرق الباب طلع فاروق ودخل طلب منا نلبس شي علينا

ثواني ودخل وويا شرطه طلبو حازم بالاسم ركضت علي حتى اصيحه لكيته وضعه مخربط ووجها اصفر وباهت ودم على ملابسه بمكان العمليه وفيان شكلها منهاره

كتله الشرطه اجتي ويريدوك دار وجها باوع على فيان بنضرة عتاب وحزن غريبه

مشى ويايا كتله ...

--شنو هل دم اخاف جرحك انفتح ؟

مارد عليه بدل قميصه بسرعه وراد يطلع وصل للباب ومن غير ميندار كال ....

حازم :خذلتيني مع الاسف عليج ياريت لو ميت ويا احمد ولا عشت وشفت هل يوم

شيماء نزلنا والي افتهمنا مبلغين علي بس ماعرفنا على شنو وليش ومنو

اخذوا وطلعوا وراح ويا فاروق وابو فاروق

بس الغريب حازم كانت ردت فعله بارده وكانما مااستغرب وجود الشرطه ولااعتقالهم اله