لعنة حبي الكاذب

البارت السابع عشر

السلام عليكم

نور ال زياده

فيان :شفت المتصل شيماء جاوبت عليها

شيماء :شلونج حبيبتي افونه شلون صرتي

فيان :الحمد لله انتي شلونج ؟ والاهل شلونهم

شيماء :كلنا زينين ونسال عليج

فيان :تسال عليكم العافيه

شيماء :اكلج فيان اتصلت عليج علمود الدوام

فيان :اي خلصت العطله واكيد مراح ينطوني اجازه اذا ردت خصوصا اني الامتحان الاخير ماامتحنت تاجل ولازم ارجع حتى امتحن

شيماء :اي كلي حازم والعده مالتج هم سالفتها وابنج لهذا حازم اتفق ويا العميد رتبلج وضعج...

بس بالامتحانات تداومين ودروسج اتواصلي ويا زميلاتج اخذيهن واي شي تحتاجي حازم يكول اني حاضر

فيان :شكرا الج بس ليش تعب نفسه كان خليت اوس يروح واذا مارهمت اداوم عادي وما اختلط باحد

شيماء :شدعوه هيج تتحسسين من اي شي يخص حازم ترا هوا نيته يساعدج لاازيد ولا اقل ؟

فيان :اني مااتحسس منه بس فعلا اني وهوا منتوالم واحسه يكرهني

شيماء :يعني هو اذا يكرهج مجبور يشيل همج او حتى يساعدج ؟

فيان : عالعموم عوفينه مني ومن حازم خالو وخاله شلونهم ؟

شيماء :وصلت الفكره تمام عيني ست فيان بعد مااجيب طاري حازم وابو فاروق وام فاروق زينين ويسالون ويسلمون عليج

فيان :وعليكم السلام هواي سلميلي عليهم

شيماء :يوصل ان شاء الله اكلج فيان خوما اكو احد يضوجج ؟

فيان :لا اصلا مااشوف بس هاجر اوس يدزها الي تشوف شنو محتاجه...

وصراحه هو مامقصر ويايا نهائيا كفا ووفا واعدني ووفا ماخلى اي احد يوصل يمي لو يضوجني...

ومنتضره العده بس تخلص اشوفلي عمل واصرف على نفسي وعلى ابني

شيماء :يعني ناويه تضلين يمهم ؟

فيان :اذا ضلوا على هذا الحال اي ليش لا

شيماء :واهلج مناويه تتواصلين وياهم ؟

فيان :صارلي فتره داافكر بهل الموضوع وقررت بس تخلص العده اروح واتواجه وياهم...

كافي صار لازم اوصل لحل وانهي هل شي الي بينا كان الحجه امير وراح

شيماء :الله كريم الخيره فيما اختارها الله ان شاء الله تتصالحون والله يكتبلج ايام حلوه

فيان :ااميين الله يسمع منج

شيماء :يلله حبيبتي محتاجه شي ؟