لعنة حبي الكاذب

البارت العاشر

السلام عليكم

نور ال زياده

نعيش حياتنا ونحن نخطط لمستقبلنا ونبني احلاما
قد تتحقق وقد تصبح سرابا ،،،وتبقى الكلمه الاخيره
للقدر .....

فيان :من سمعت كلام شيماء كمت من مكاني وتوترت ،

،صرت اروح وارجع ما اعرف شنو اسوي ولاشنو الحل

احس ضعت اكثر من ما اني ضايعه

الى ان اجت فكره براسي وقررت اطبقها

رحت على الخال ابو فاروق وتكلمت ويا على انفراد وفهمته كل اللي ببالي

وهو كان مساندني باي قرار كنت ناويه اتخذه

صار المغرب واجوي الولد من عملهم ومن سمعوا بجيت امير حسيتهم ضاجوا

بعد المغرب بدت تضلم الدنيا سمعنه صوت الباب
دخل امير واوس وولد ثنين عرفتهم ولد عمهم
ووياهم عمهم الكبير

دخلوهم للصاله شويه وصبينه عشا وتعشوا وبعدها الجاي

وبلشوا كلامهم راحت شيماء تسمع يم الباب وصاحتني ،رحت يمها بما انو الموضوع يخصني

ابو كرار : ابو فاروق تعشينا وشربنا جاينا وصار الوقت نحجي بموضوعنا

ابو فاروق :تفضل ابو كرار

ابو كرار : زاد فضلك وعلى مقامك ،،، اخويه اليوم اني جايك انريد نرد بنيتنا لزوجها

ابو فاروق :الله بالخير ،،،ابو كرار جيتك على عيني وراسي خصوصا اني اعرفك زين انته ابن اجاويد وماتطلع منك العيبه

ابو كرار : الله يخليك ويعزك

ابو فاروق : اني خال امير صح بس اللبنيه التجئت الي وحسبتني بمقام ابوها

والله شاهد عليه خلال هل الايام اللي بقت بيها يمي حسيتها بنتي اللي ماحصلتها من الدنيا ،،

اني اليوم أبوها اريد اسالك سؤال وجاوبني بصراحه

ابو كرار :اسال خويه ومايكون خاطرك الا طيب

ابو فاروق : ترضى على وحده من بناتك تنهان وتنذل
ببيت زوجها اللي المفروض هو امانها وسندها بهل الدنيا بعد رب العالمين وبعد اهلها

ترضى يضربها ضرب يوصلها للموت وهو مافاهم الموضوع ولامستفسر

ويمشي ورا كلام فلان وعلان ؟

يخليها بهذاك الليل تطلع مدمايه ومرعوبه وخايفه ؟

ابو كرار :لا والله ماارضاها انته تعرف اهل الناصريه كلشي ولاعرضنا

ابو فاروق ؛والنعم منكم ومن اصلكم وهذا اني اللي جاي اكوله

هو ابن اختي بس ليش ماطلع على غيرة اهله