لعنة حبي الكاذب

مشاهد مستقبليه

--ها طلعتي متاثره لعد ليش تسوين نفسج مامهتمه واني موبالج و ليش كاعده هنا ودموعج بعينج؟

--معليك بيه روح شكو جاي روح يم زوجتك

--متصورتج راح تغارين منها لهل درجه لوضجتي لان نسيتج وحبيت غيرج؟

--وليش اغار وشنو يعني اذا نسيتني او حبيت غيري شنو متصور الدنيا راح توكف عليك لو مااكدر اعيش لتنسى اني الي عفتك موانته

--صح انتي الي تركتيني بس تركت اثر بداخلج ومانسيتيني

اما اني انتركت صح بس نسيتج واخذت انسانه شاريتني ماباعتني مثلج بسهوله 

--احد كايلك انته اكبر مغرور شفته بحياتي

--اي انتي

--روح منا لتضوج الخاتون مالتك من تشوفك ماموجود

--لتخافين عدها ثقه عمياء بيه لوتشوفني بعينها متصدك اغدرها

--وصل بسمارك

--قابل كلت شي كذب

--لاموكذب هسه شتريد عوفني بحالي

--اني موبحالج اصلا بس لخاطر العشره اجيت اطمئن كلت اخاف صار الها شي لان حسيتج انجلطتي من شفتيني اني واسيل

--اطلع منا وماكو.داعي بعد لاتطمئن ولاحتى توصل يمي انته بالنسبه الي لاشيء متهمني ولا حتى كنت تهمني انفصلنا وكل واحد شاف حياته ياريت تبتعد عني ويكون احسن تسوي نفسك لاشفتني ولاعرفتني فد يوم

--هيج صار الكلام موو؟

وتكوليلي مغرور انتي الي اكبر مغروره وشايفه حالها شفتها بحياتي وحده انانيه ومتحبين غير نفسج وبس

--اي اني انانيه واحب نفسي واكرهك شتريد تسوي

(تحولت ملامحه الى الغضب واتقدم نحوي رجعت للوراء متوتره من ردت فعله ضل يتقدم واني ارجع الى ان ارتطم ضهري بالحائط قدم وجها باتجاه وجهي غمضت عيني بسرعه و.......

************
--ليش طلكتها ؟

--لان الله بكتابه كال الطيبون للطيبات وهي كانت اخبث خلق الله

--مهما كان تبقى زوجتك وبنت خالتك

--هي هسه بس بنت خالتي اما زوجتي فماكو وحده تستاهل تكون زوجه الي  ولاتستاهل حبي غيرج

--شنووو؟؟

--تتزوجيني ؟

ليش سكتي اني احبج وصرت متاكد انتي هم تبادليني المشاعر وبالنسبه لاطفالج نربيهم سوا واعتبرهم اطفالي شنو كلتي ؟

***************
كنت كل ساعه تمر اباوع بموبايلي متئمل انتضر اتصال منج او حتى مسج تسالين عليه او حتى اعرف اخبارج

رحتي وتركتيني وحدي ومافكرتي شلون اعيش من غيرج

كنت احسب الساعات والايام والاشهر متصورت لهل درجه اني رخيص عندج وماالي قيمه

اشتاقيتلج الى درجه حسيت روحي دتفارقني
كنت احس بشعور مثل الشي الي يعالج الروح حتى ينتزعها من جسدي بس لاروحي انتزعت حتى يرتاح جسدي ولا شعوري الاشتياق فارقني كنت اتئلم كل يوم الى درجة كرهتج بكد حبي الج بس من رجعت شفتج رجع كل شي

صار حبج اللعنه الي احتلت كل جزء بيه لاصرتي الي ولاحبج فارقني فهميني شنو اسوي حتى ا رتاح

وصل بيه ادعي من رب العالمين كل يوم ينسيني حبج مع انو كنت كل يوم ولمدت سنين ادعي منه انو يجمعني بيج شفتي لي وين وصلتيني واي شعور مؤلم عيشتيني

*************

--موبكيفج متضلين هيج والناس تاكل وجهنا علاء رايدج تزوجي واكعدي وانجبي موزين منه الولد رغم كل الي سويتي بعده رايدج

--مااخذه لويضل بس هو

--تعالي انتي الضاهر ابويه ماعرف يربيج زين لوتتربين وتمشين عدل لوموتج يصير على ايدي

-- هجموا عليه صارو يضربوني بهل اثناء سمعنا صوت الباب ضلو يغلطون عليه ويضربوني حتى يجبروني  اوافق

فجئه احد سحبني من نصهم وعاط ....

--الي يمد ايده بعد على مرتي اكسرلهيا وقد اعذر من انذر !!!

هذه المشاهد تغشيشه صغيرونه عن مستقبل القصه قراءه ممتعه