السلام عليكم
نور ال زياده
نرجس :اكعدي حبيبتي شجاج
ام وسام :بسببكم بنتي راح تروح من ايدي والله اذا صار بيها شي اكلب الدنيا عليكم كلكم
فيان :اسمع كلامهم واني بديت اوعى امي وجها كله دموع ونرجس هم فوك راسي
رنا :فتحت عينها العياره موكلتلكم كلشي مابيها
نرجس :انتي شوكت تبطلين انانيه وحقاره ولج هاي اختج ليش تحبين اذيتها
رنا :لتعيشين دور الاخت الحنونه ترا نعرف افلامج انتي واختج
هاي اللي متستحي ترفع صوتها على ابويه ومتحترم احد
فيان :اسمع نقاشهن وزوجة عمي ووفاء هم يحجن عليه واني احس الدنيا ضاقت بيه
كومتني نرجس ورحت للغرفه مددت بفراشي وغمضت عيني من القهر والتعب نمت ماحسيت للصبح
بدلت ورحت للمدرسه واني حيلي مهدود اول مادخلت صارت ست منتهى بوجهي بس سالتني شبيج ؟
اشو وجهج اصفر انهديت بحضنها وصرت ابجي بحركت كلب
اخذتني للاداره وكعدتني وانطتني مي
ست منتهى :شنو اللي صاير وياج ؟
فيان :ست راح يزوجوني غصبن عني لابن عمي واني ما اريده احس روحي راح تطلع
ست منتهى :شلون سالفه هاي ياربي مناك هذاك ميت عليج،، وانتي يريدون يجبروج والله مااعرف شنو الحل
فيان :الحل الوحيد اموت واخلص بس الموت يخلصني من اللي دا اعيشه
ست منتهى :لابنتي لتحجين هيج هل كلام حرام لابد اكو حل
اني اليوم اريد اروح لاهلج واحجي وياهم يعني ممعقوله احنا بيا قرن ويريدون يجبروج على الزواج
فيان :وفعلا بس خلص الدوام ورحت للبيت للعصر اجت ست منتهى وحجت ويااهلي بس ياريت لومااجت لان اهلي قفلوا اكثر
ابووسام :لهنا وصلت وياج تشكين اسرار بيتنا لمدرستج وتخليها تتدخل
الضاهر اني دللتج زايد وماعرفت اربيج
خلي ببالج الاسبوع الجاي عرسج على ابن عمج حتى السادس مااخليج تكملي بعد هذا تصرفج
راح اخلي علاء هو يربيج لان ماعرفت اربيج اني
فيان :والله اموت نفسي ومااتزوجه لو اعرف اكلب الدنيا ولو انهزم هم مااتزوجه لهذا العار
(بعدني ماكملت كلامي مااشوف غير الراشديات والضرب من ابويه ملخني وكسرني )
ورا يومين كالو لامي حضريها ووديها للصالون الباجر الجمعه حفلة الخطوبه
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
