السلام عليكم
نور ال زياده
فيان :فتحت الباب وانصدمت من شفته واكف ووجه ميكصه السيف !!
بلعت ريكي من التوتر عيونه حمره وشكله معصب كتله....
فااااروق ؟
عافني وصعد فوك انداريت شفت نرجس واكفه ومرعوبه مثلي
نرجس :بس لا سمعنا
فيان :اصلا متاكده سمعنا ماشفتي وجها شلونه؟؟
نرجس :شكد عيب
فيان :عوفج من العيب المشكله موهنا المشكله كلامنا عن هديل
نرجس :ياربي شورطني لو ماجايه احسن
فيان :رجعت كعدت وجاوبتها....
لتكولين هيج انتي شعليج وبعدين احنا ماسوينه شي غلط اني بس خوفي من المشاكل مااريد اكون سبب بمشكله واني مجرد ضيفه هنا يجي يوم واروح
ضلينا كاعدين بس متوترين وضايجين صار العشا اجتمع الكل ماعدا هديل وفاروق هنا تاكدت سمع وخفت اكثر
تعشينا ورادت نرجس تروح اصر خالو يوصلها فاروق بس استغربنا من طلع ماموجود خارج البيت ماعرفنا ولاانتبهنا شوكت طلع
لهذا خالو اصر هو يوصلها خاف عليها
راح وصلها ورجع واني خلصت المطبخ وايدي على كلبي اتصل حازم وسال على حمودي
حازم :بشريني شلون صار ؟
فيان :زين مابي شي
حازم :،الحمد الله استمري على العلاج ونفس الاكل حتى يصير زين اني خبرت فاروق كتله لتشتريله حلويات اليوم جيبله لعبه بمكانهن حتى ليتذكر
فيان :هاا اي ان شاء الله اصلا ماكو داعي ساكت ماراد اي شي شويه وراح انيمه
حازم :فيان بيج شي صوتج ماعاجبني؟
فيان :هاا ،لامابيه شي قابل شنو بيه
حازم :ان شاء الله مابيج شي ولو اعرفج كلش زين على العموم ديري بالج على نفسج وابنج
فيان :ان شاء الله وانته هم تصبح على خير
حازم :وانتي من اهله ولو اني ماراح انام عندي شغل
فيان :الله يساعدك شلون لعد وانته البارحه هم مانايم؟
حازم :عادي متعود الله كريم يله باي
فيان :نهينا الاتصال صارت ب 11 اخذت ابني حتى اصعد انيمه
نزلت هديل راحت للمطبخ طلعت الاكل خلته على الميز وكعدت تاكل وواضح ماكو شي
اطمئنيت خليت ورحت للغرفه
نيمت حمودي واني ماكدرت انام سمعت صوت باب غرفة فاروق الضاهر دخلو للغرفه توترت وكلت اخاف تصير مشكله بس ماسمعت شي ولاحس
أنت تقرأ
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
