السلام عليكم
نور ال زياده
~~~~~~~~~~~~~~
نرجس :بعد الكلام ألي سمعته من اخوتي كلت ماراح اسكت واخليهم يدمرون اختي مره ثانيه كافي ألي عاشته موبعد العذاب والصبر تصوم وتفطر على علاء كافي خبصونا بالكرايب مواني اخذت كرايب شنو صار موتدمرت ولا رنا ملعوب بيها طوبه بس مع الاسف رنا اخت حقيره وانانيه متحب تشوف احد احسن منها هذيج المره اجتي لزمت الولد حركت على فيان وماكفاها هل شي
هل المره اجتي هي وعلاء وسمموا افكار الولد بكلام مااله اي وجود وخبلوهم علينه
اتصلت على فاروق وعرفني من صوتي بيه شي صرت اشهك وابجي وسولفتله كل الموضوع تخبل سده وراح واني كعدت بالصاله ابجي على حضنا
عفتهم يتعشون وفيان يم امي نص ساعه وسمعت نفس اللغوه صارت طلعت اركض لكيتهم يتعاركون وياها ويهددون بيها حتى توافق رن الجهاز.بيدي رحت فتحته سمعت صوت فاروق كلي....
فاروق: افتحي الباب
رحت للولد حتى اكول ألهم الباب تندك لكيتهم هاجمين على فيان وديضربون بيها عرفت راح تكبر السالفه وكلت اذا متكبر ماراح تصغر فتحت باب الصاله ورحت فتحتلهم الباب الخارجي ومن غير سلام كلت....
--ألحكوا ديضربوها
كلي فاروق....
فاروق : اكو نسوان جوا؟
كتله....
نرجس :بس فيان ماكو احد دخلوا يركضون لكيناهم ثنينهم هاجمين عليها كل واحد يضرب بيها من جها وهي تحاول تغطي براسها حتى لتجيها ضربه على راسها لأن موزين
دخل حازم مثل الاعصار جرها من نصهم وعاط بيهم صوت رج البيت رج !!!
حازم :ألي يمد ايده على مرتي اكسرها وقد اعذر من انذر
ميثم :وانته منو حضرتك وتدخل بيتنا من غير استأذان وشدخلك بأختنا ؟؟
حازم :البيت دخلته من الباب بعد مادكيته واختك فتحته وهاي اختك ألي تحجي عنها تصير زوجتي ومامسموح لأي احد يمد ايده عليها
وسام :شنو هل كلام؟
فيان هل شي صحيح خلي احد يفهمنا هذا شنو جاي يحجي؟
فيان :رفعت راسي وشفت حازم وضليت مصدومه بكلامه وبالثقه مالته ضليت اكول ويا نفسي احنا موطلكنا هذا شنو يحجي ؟
وفوكاها وسام سألني ضليت صافنه بوجها وماحجيت شي بس دموعي تنزل
نرجس :صح الدكتور حازم زوجها واني الشاهده
وسام :لتكول انته نفسه ألي ساعدها علمود الطفل وتزوجها حتى تاخذ الحضانه ؟
حازم :اي اني هو
وسام :زين انتو موجان زواجكم شكلي بس عقد وانفصلتوا حسب ماسمعت؟
حازم :صح كان زواجنه شكلي وانفصلنا واني رجعتها غيابي واصلا مافصخنه عقد المحكمه يعني شرعا وقانونا فيان زوجتي
أنت تقرأ
لعنة حبي الكاذب
Lãng mạnشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
