بركان شاهين

بارت 3

... بيت بركان ...
......
بلقيس ..كعدت من النوم عدلت شعري وكمت حتى اكعد نيران حتى تروح للدوام رحت لغرفتها ادگ بالباب وماكو رد فتحت الباب وطبيت شفت نيران بعدها نايمه لطمت على وجهي وكلتلها...

بلقيس ...عزه ولج كومي كافي نوم صارت 7 ونص رح تتاخرين على الدوام كومي يالفاهيه...

تحركت ومدت جسمها وتتثاوب وكالت ..
... نيران....اهووو ماما صبحنه عاد عوفيني نايمه بعد شويه الله يخليج والله نعسانه..

....وخرت اللحاف من عليها وكلتلها..
...بلقيس...ولج گومي عندج دوام اتاخرتي كافي نوم وكسل محد گلج اسهري بالليل يله شو كدامي بسرعه گومي

.... نيران ...اشششا ماما بارده ليش اخذتي اللحاف ..

.....بلقيس ...اذا ماگمتي أصب عليج مي بارد والله

گامت بسرعه وصارت تدردم وكالت .
...نيران...اهووو گمت گمت يله عوفيني امري لله..

....عفتها واتجهت للباب اريد اطلع وكلتلها..
...بلقيس...يله بسرعه بدلي ملابسج بين مااحضرلج الريوك بسرعه ماعندج وقت ترى .

.....نيران ...طلعت ماما واني بسرعه گمت طبيت للحمام غسلت وجهي وفرچت اسناني وطلعت بدلت ملابسي لبست بنطرون جينز وعليه بلوز صوف وفوگاهن ستره جلد طويله توصل للكربه وحذاء هم جلد اسود فتحت شعري ومشطته بسرعه وطبعا شعري بطبيعته كيرلي مبروم يشبه شعر مريام فارس المهم كملت تمشيط حطيت كحله البطن عيني ومرطب لشفايفي ومشطت حواجبي وطلعت بسرعه لان ماالحك احط مكياج متأخره حيل على الدوام .

.....نيران .. طبيت للمطبخ حتى اتريك واطلع للدوام  شفت ياسر كاعد يشرب چاي  باوعلي بطرف عينه وعافني وطلع ...

....كمت اهز بإيدي الحمدلله والشكر هذه شبي حتى صباح الخير ماكو . ...

....تريگت وطلعت ...شفت خالو بركان كاعد بالحديقة ويشرب الچاي مالته وبإيده الموبايل ...

.....نيران ... صباح الخير خالو شلونك ..

...رفع رأسه وباوع عليه وگال..
...بركان ...صباح الخير وين رايحه اليوم ..

....نيران ...للدوام خالو يعني وين

..... بركان ..خلي ياسر يوصلج لتروحين وحدج ...

.....نيران ...لا ميحتاج خالو ..عندي خط ياخذني ويجيبني...

....نيران ..طلعت للشارع امشي ابو الخط يوكفلي براس الفرع ميطب جوه لان وياه بنات

...الجو بارد حيل السماء مغيمه بس اليوم ماكو مطر بس غيم والناس كلها ملفلفه نفسها وتمشي بالشارع بسرعه بس يردون يوصلون لبيوتهم بسرعه عبالك مجبورين على الطلعه بهيج جو بارد ...

داامشي وبالي شارد وافكر بي من راح ولليوم ماغاب عن بالي لحظه وحده فراگه  صار غصه بگلبي كلما اتذكره گلبي ينمرد افكر بي بداخلي وبس صوت حسراتي ينسمع ...