بركان شاهين

بارت 10

.....سديت الخط .. وجريت نفس .. اوووف وأخيراً .. وصل سراكم بالعقاب .. علي وليالي .. اصبرولي .. الخير جايكم .. 
......

....علي كاعد بالصاله اباوع تلفزيون وصحت ليالي ..
....علي ..للوشتي وينج

...ليالي ها عيني

....صبيلي چاي فدوه

....ليالي.. صار صيحلي طيبه من يمك تاخذ الصينيه دااشتغل اني ..

.....علي ... وينها طيبه مويمي

....ليالي ... طبت للصاله وكالت ..
....شنو مويمك حتى اني مو يمي وين راحت لعد

....علي .. شوفيها خاف فوك بالغرف منا منا

....ليالي رحت ادور على طيبه بكل الغرف مالكيتها .. واجيت خايفه والهث لعلي ..

....ليالي ...علي طيبه ماكو البيت كله دورته وماكو وين راحت ..

.....علي فز من مكانه وكال .. 
...... لج شتحجين انتي وين الطفله روحي شوفيها خاف بالطرمه رح ارجع ادورها بلبيت امشييي

.....ليالي طلعنا نركض اني وعلي ندور على طيبه بكل شبر بالبيت وبره البيت ومالها اثر فص ملح وذاب لگيت شهاب كاعد بره بالباب سألة علي وكال...

....علي ...بابه شهاب ماشفت اختك وينها ..

....شهاب .. رفع راسه لعلي وكال ..
....بابه راحت تشتري من ذاك المحل وتجي

....علي منيلها فلوس حتى تشتري

....شهاب .. ماادري اجه ولد انطاهه فلوس وكاللها تعاي وياي اشتريلج اني عمج دزني الكم ..

....رجع رفع راسه شهاب لعلي وكاله ...بابه لعد عمو بركان ميجينه اليوم ليش دز الفلوس بيد الولد ...

....صرخ علي بصوت عالي وكال ....
....ولك اثول يابركان ياصخام منو كاللها تروح وياه منو هذه الولد وين راحوا بأي فرع احجييي ..

..... شهاب أشر بيده وكال .. مناك راحوا مناك ..

.....راح علي يركض مثل المخبل دور الشوارع القريبه على بيتنا كلها والمحلات حتى السيارات وكفهن وسأل السواق ..وماكو اثر لبنتي طيبه .. رجع للبيت وحاط ايده على راسه. وعيونه حمره دم .. ويردد بينه وبين نفسه ..

....علي .. راحت بنتك علي ..الله يعلم شصار بيها هسه .. يربي دخيلك رجعلي بنتي ...

طب للبيت علي وشافني كاعده وحاطه ايدي على خدي وابجي الدموع عشره عشره وكلتله..

...ليالي ...ها راحت بنتي اختفت مو ...اريد بنتي دخيلك جيبلي بنتي ...

.....علي .. دورت العگد كله ومالها اثر .. فص ملح وذاب .. حتى الناس سألتهم وماكو .. محد شافها ..

....ليالي ... سمعته بس جذبت آذاني وكلتله ..

...لا لا هسه تجي تلكاها تلعب ويه الجوارين هسه متروح بعيد لتخاف ..