بركان شاهين

مشهد بين نيران وشاهين ♥️

...شاهين ..من وصلنه للبيت وشفنه زمن اني چان بالي كله يم نيران ومااهتميت للموضوع كله عفتهم يحجون بركان وزمن وطلعت من البيت رحت جبت عشا سفري لنيران وجبت للبيت كله وياي ورجعت للبيت ..

....شاهين ..طبيت للمطبخ لگيت بلقيس وليالي يحضرن المقبلات حته يسون عشه حطيت العلاليگ عالميز وكمت احضر بصينيه زغيره عشه على صفحه شافتني بلقيس وكالت ..

.....بلقيس ..شدتسوي روح اكعد انته تعبان اني وليالي نحضر العشه ونجيبه الكم ..

....شاهين ..حضرن العشه الكم اني رح أرتب العشه مال نيران وأخذه الها لغرفتها . 

....بلقيس ...عود گلت تنزل تاكل ويانه بلكي نفسيتها تتغير من تشوف اللمه ..

...شاهين ..لا مو اليوم .. خلترتاح بغرفتها اكيد تحب تبقه وحدها اليوم عود باجر نخليها تاكل ويانه يله اني اروح اودي العشه مالها ..

...شاهين ..مشيت وصلت للباب وجان تصيحني بلقيس وكالت ..

...بلقيس ..شاهين لحظه ..
....شاهين ..نعم

.... بلقيس ... اتعشه وياهه انته بلكي يصير عدها واهس وتأكل لان قبل شويه كالت اريد انام ماريد اتعشه ..

....شاهين ..موبكيفها تاكل شنو نست عدها علاج لازم تأخذه يله اني اروح اشوفها واجي ..

.....شاهين ..صعدت لغرفة نيران دكيت الباب وماسمعت صوت .. رجعت دكيت مره ثانيه سمعتها كالت ..

....نيران ..مامه اريد انام عوفيني فدوه لعينج ..

....شاهين ..فتحت الباب وطبيت لكيتها نايمه ومغطيه جسمها وراسها كله باللحاف مطالع شي منها ..

...حطيت الصينيه عالطبله وقدمتها يم الجربايه حته تصير قريبه عليها وكعد عالجربايه قريب على رجلها وكلتلها..

...شاهين ...گومي نيران جبت العشه لازم تاكلين حته تأخذين العلاج ..

....رفعت الغطه عن وجهها وكالت ..
....نيران ..شاهين عوفني واطلع بره اريد انام ماريد شي هسه .

....شاهين ..شلون اعوفج وانتي بدون اكل الله يعلم من شوكت كومي اكلي يله بسرعه وعوفي العناد ..

....رجعت غطت وجهها وكالت ..
....نيران ..ماريد شي كتلك لاتلح وعوفني اريد انطمر من تطلع سد الباب وراك ..

....شاهين...جريت حسره قويه وكلت ..
...شاهين ..استغفر الله العظيم بدت رحمة الله ..

...كمت وكفت ووخرت الغطه عنها وكلتلها..

...شاهين ..شو گومي بسرعه گومي انتي مومال عيني واغاتي گومي يله ..

...نيران ...شاهين عوفني كتلك ماريد شنو هيه گوه تريد توكلني ماريد ..

....شاهين ..اي گوه يله گومي تره والله اسحلچ من شعرج واگومج ..

...من كلت هيج كامت كعدت ونزلت دموعها على خدها وكالت..