بركان شاهين

بارت 6

رياحين ...والله مدري شلون تفكر انت .. شنو اليدور برأسك ...

....شاهين ..لتركزين وياي حتى متتعبين ... نفذي الي انطلب منج وبس ...

......رياحين .. يعني رح تاخذ المنوم وتنام صدك ؟!!

....شاهين ...اي رح أخذه حضري وجيبي شوكت متفقه ويه بركان يجي ... ؟

.....رياحين ... بليل يجي اني قبل ميجي انطيك خبر ...

......شاهين ... رحت لغرفتي واني براسي خطه إلا اخلي بركان مينام الليل .

. اصلا رياحين اجتني هديه من السماء رياحين  من كلت عليها رصاصه ماجذبت ..  هي هاي الرصاصه الي رح اضربها بگلب بركان وتدمر كل حياته ...

.....صارت ساعه 9 بليل ورياحين حضرت عصير وكالت المفروض اشربه لان بعد ساعه او اقل يجي بركان لبيتي ..

.....اخذت العصير منها ووهمتها أنه اني شربته بس اني ماشربته  سويت نفسي نايم .. 

....وره مده من الوقت سمعت جرس الباب يرن  وصارت اصوات بالبيت قبل ميوصل لغرفتي بركان  طلع مخروع ويركض من البيت ..

....رياحين ... بركان وين رايح شبيك ..

....بركان ...لازم اروح صارت مشكله بالبيت بعدين نحجي ...

.....وراح بركان مثل المجنون للبيت وهوه ميدري بية تغديت بي قبل ماهوه يتعشى بية. 

.....بركان ... وصلت للبيت وشفت سيارات ابابنه والبيت هوسه طبيت شفت عمي ابو زمن بلبيت وزمن وضعها مخربط وتبجي وياسر كاعد يمها وعلي وليالي وبلقيس ونيران والكل موجود ...

.....بركان ... سلام عليكم ها شبيكم شصار ؟

....زمن ...كاعده على القنفه رفعت راسي على بركان وعيوني تجدح نار ..وكلتله ...
....زمن ...وين جنت

....بركان ...جنت طالع موكتلج متواعد ويه جماعتي ..

.....زمن ... صرخت بوجهه وابجي واشهك وكلتله .
..لتجذب عليه بركااان جنت يمها مووو..  بركان هاي تااالي العشره والسنين البيني وبينك ليش هيج بشنو قصرررت وياااك لييش ..

  تزوجتك وانت مريض نفسي وجنت عايش عالحبوب والمهدئات والاطباء النفسيين عالجتك وخليتك تكمل دراسه وبواسطة ابويه صار الك اسمك ومنصبك والناس كلها تهابك وتسمع كلامك ..

  تالي ترووح تتزوج عليه وفوكاهه حاامل منك ..

. لييييش ولللكك لييييش شسويتلك بشنو قصرت وياك اني حتى تدور نسوان عليه .. 

.....سمعت الحجي مال زمن وبقيت مصدوم ..  ماكدر انطق بكلمه وحده ...

بركان... هاي شلون عرفت بزواجي وبالحمل وهذه سر محد يعرف بي بس اني ورياحين ...

.....ياسر ... بابا الحجي التكوله امي صحيح ..  صدك انت متزوج عليها وزوجتك حامل ...

....بركان ... زمن منين جبتي هذه الحجي يمعوده اني مال هيج سوالف ...