كلنه كاعدين عالريوك وجان نسمع نيران ..تصرخ بصوت عالي ...
....الحگوووني خاالو بركاان ماادري شبي تعاالوو ماامه شاهين وينكم...
....رياحين .. ركضنه كلنا بفزع لغرفة بركان شفناه واكع بالكاع وفاقد الوعي ونيران كاعده يمه تحاول تصحي وماكو فائده ...
....ركضوا شاهين ورافد وعلي شالوا كلهم شيله وحده وحطوا بالسياره مال شاهين وأخذوا للمستشفى
..اني والبنات وبلقيس كلنه اجرنه تكسي ورحنه وراهم واني گلبي مثل النار اريد اعرف بركان شبي شلون هيج وكع ومحد حس بي .
. وزمن وينها مختفيه من البيت وياسر هم ماشفناه ابد .. خلصت الطريق ابجي لحد ماوصلنه للمستشفى
.. شفنه شاهين ورافد وعلي واكفين بالممر مال ردهة القلب .. ركضت عليهم واني دموعي تصب وكمت ابجي واحجي بدون وعي ..
....رياحين ..بركان شبي احجوا وينه وين وديتوا شصارله .
.....علي ..اهدئي .. يمعوده نصي صوتج احنه بمستشفى .. هسه الدكتور ديسويله فحوصات وتحاليل ويجي يكوللنا شبي .
...رياحين ..يعني عايش مابي شي الله عليك احجي الصدك علي بركان مابي شي ..
....علي ..عايش والله عايش بس فاقد الوعي جان ..هسه نعرف كلشي بس يجي الدكتور انطينه صبر ..
...رياحين ..بقينه كلنه ننتضر الدكتور .. شاهين .. يفتر بالممر وعيونه حمره دم صايره عبالك يبجي .
. ورافد كاعد عالكرسي ويفرك براسه وعلي واكف يم باب الغرفه مال فحص وبلقيس خلصتها تبجي .
.ونيران .. كاعده يمي وايدها ترجف
اباوع عليهم .. شكد يخافون على بركان .. والحزن والخوف والتوتر واضح عليهم كلهم .
. محد يزيد عن الثاني بمحبته لبركان .. عبالك الي وكع ابوهم وخايفين عليه مو اخوهم الجبير ..
....وره شويه طلع الدكتور وكلنه ركضنه عليه بلهفه بس نريد خبر يطمننا عن بركان ..
...شاهين ..ها دكتور بشر اخويه شبي ؟
...الدكتور ..ممكن اعرف شنو طبيعة العلاج الي يأخذه اخوك يعني هوه من شنو يعاني دياخذ علاج مال ضغط وهوه ماعنده ضغط .
. التحاليل كلها سليمه طلعت بس اخوك گلبه تعبان وعنده انسداد بشريان رئيسي بالقلب ولازم نسويله قسطره فوراً .
...شاهين ..دكتور هوه قبل كم شهر هم سوه قسطره ..
....الدكتور ... اخوك دياخذ علاج مال ضغط هذه العلاج ننطي للي يصير عدهم ارتفاع بالضغط هوه عباره عن ابره تنزرق بالوريد تخلي ضغط الدم ينزل بجسم الانسان .
بس احنه ننطيها عند الضروره فقط.. واخوك ماخذ منها أكثر من مرة وهاي الابره موزينه لمريض القلب
أنت تقرأ
بركان شاهين
Romanceاخوتي ليس شرطاً أن أكون من دمكم وصلب أبيكم لأكون منكم رابط المحبه وايام السنين كفيله بأن تجعلكم اخوتي ..... ..... لا تفعلوا بي كأخوة يوسف فليس هناك ما يستحق أن تخرقوا له القميص والذئب لن يعطيكم جائزه على قتلي .. وإن صرت العزيز يومآ فلن يكون لي عليكم...
