بركان شاهين

بارت 5

..شاهين.....سديت الخط وعيوني تجدح نار وصدري يصعد وينزل من قوة النفس مالتي بس لزمت اعصابي حتى اعرف هاي منو وليش اجتي وشتريد مني ومنو دزها ....

......ضميت السالفه بگلبي وبقيت ساكت ... فكرت بخطة حتى اكشفها بدون متحس لان اذا حست بية عرفت بيها يجوز يصير شي ميخطر على البال  ....

ثاني يوم .. قررت اراقبها حتى الزم راس الخيط ... واشوف وين يوصلني ..

كعدت الصبح حور تتريك بالمطبخ .. واني كعدت وراهه بشوية وجنت ناوي على خطه براسي ..

....شاهين ... طبيت للمطبخ شفتها كاعده تتريك حميت الچاي وكعدت بالكرسي المقابيلها ...

....شاهين ... صباح الخير
....حور .. صباح النور
....شاهين .. اكول اريد اسألج سؤال ..
....حور ... أسأل
.....شاهين .. شعجب رجعتي من الأردن غير الدوام بعده ماخلصان

....حور .. تركت هاي السنه .. رح ارجع اقدم على كليه بالعراق سنة التجي ..
.....شاهين ...بس معدلج ميقبلج بالعراق مثل الكليه التدرسيها بلاردن يعني بلاردن احسن  ..

....حور .. عادي ادرس اي كليه تقبلني مومهم ..
.....شاهين .. ليش هيج غير تحققين حلم خالو راضي

.....حور ..  رادني اصير دكتورة اسنان .. واني مااحب هذه المجال ومااحب مجال الطب اصلا ..
....شاهين ..من سمعت الحجي مالتها انصدمت وهذه دليل ثاني يثبت هاي البنيه مو حور .. لان خالي راضي ماجان يريدها تصير دكتوره أصلا ..

.....كملت الريوك وكمت بدلت ملابسي وطلعت..
.............

بيت علي ..
.....ليالي .. افتر بالبيت وادور على ابني شهاب مختفي ماكو

....ليالي ...شهاب وينك مامه .. شهاب ولك وين رحت تعال ..  طلعت للكراج  وشفت شهاب واكف بالباب وبيده شي يباوع عليه .. رحت يم الباب وكلتله

.....ليالي ..شهاب تعال طب جوه شعندك واكف هنا ..

....باوع علية وكال...
.....شهاب .. ماما هاي الورقه الج ..

.....ليالي .. ستغربت وكلتله ..شنو ياورقه شو جيبها ...
.....اخذت الورقه من شهاب وجان مكتوب بيها ...

(موعلى أساس الك طول العمر شو صاروا عندج جهال من غيري ... راقبي شراح يصير بيج )

.....ليالي .. قريت الرساله ووجهي صار ينطي الوان .. بسرعه لزمت شهاب وكلتله ...
.....تعال ولك منو انطاك هاي الورقه احجي ..

....شهاب .. ماما ولد انطاني الورقه وكال انطيها لماما..
....ليالي ..ولد يعني شكبره يطلع بكد بابا..؟

.....شهاب ... لا اصغر ولد صغير..

.....ليالي ...دمشي طب جوه وبعد ممنوع تطلع بره ولا تاخذ شي من أحد متعرفه تره اچويك بيدك ..

... ليالي...بقيت بذاك اليوم بالي بغير عالم ووضعي صار مو طبيعي ابد .. حتى علي لاحظ علية ..