....رياحين ..شفتها حجت هيج واني گلبي ممرتاح متاكده اكو شي ..بركان ميطلع من البيت إلا ياخذ سيارته وليش زمن قفلت الباب مال الغرفه اني متاكده صاير شي ولازم اعرفه ..
....خلصنه الريوك وبلشنه ننضف البيت اليوم جمعه ويوم الجمعه مميز عند الولد متعودين يسوون لمه وغده ومرات حته عزيمه
.. دنسوي الغده وجان يجي شاهين سلم علينه وكال ..
....شاهين ..وين بركان شو ماشفته اليوم دااتصل بي ورقمه مغلق ليش ؟
....زمن ...طلع الصبح ويه جماعته وكال العصر يجي .
....شاهين ..بس سيارته موجوده بره شعجب بركان ميطلع بدون سيارته ..
...زمن ..طلع ويه صديقه بسيارة صديقه عادي شنو شعجب ..
...شاهين ..ها تمام من يجي عود انطيني خبر محتاجه بموضوع ضروري ..اني رح اصعد لغرفتي من يكمل الغده صيحوني بدون زحمه ..
....نيران ...داانزل عالدرج وجان اشوف شاهين يصعد من شافني ابتسم ووكف كدامي وكال..
...شاهين ..شلونج ناره شلون صرتي .؟
...نيران ..الحمدلله بخير ولتكول ناره عفيه ..
....شاهين ..ليش مااكول بله ؟
نيران.. احسن ماريد اسمعه اني اسمي نيران وبس ..
...شاهين ..بس قبل من جنت اصيحلج ناره جنتي تفرحين شنو التغيير هسه ؟
...نيران ..انته دتكولها ..قبل موهسه ..
.قطب حواجبه وكال.
..شاهين ..ليش هسه شنو التغيير عن قبل ؟
...رفعت عيني عليه وكتله ..
...نيران ..هواي شغلات تغيرت ماكو شي مثل قبل حته اني مو مثل قبل وبعد لتكول ناره وبس ..
....نيران ..حجيت وياه وعفته داانزل حط ايده عالدرج حته ميخليني انزل ووكف كدامي وكال ..
...شاهين ..بالنسبه اليه انتي بعدج ناره وماتغيير شي بيج تره ..
....نيران ..انته هيج تشوف .. بس اني هواي تغيرت .. من رخصتك اريد انزل ..
...شاهين ..انزلي منو لازمج ..
....رفعت عيني عليه وكتله ..
....نيران ...ايي وخر ايدك شلون انزل ..
...بقه صافن عليه ثواني وجر حسره قويه وكال ..
....شاهين ..انزلي ناره ..
...نيران ..شاااهين لتكول ناره ..
رفع حاحبه وگال.
...شاهين ..ناره وغصبن ماعليج اذا انتي دتحاولين تتهربين مني لان بنضرج انتي تغيرتي ..اني بالنسبه اليه ماتغير شي بيج ولهسه اشوفج ناره ام لسان الي كبرت وتربت وياي بنفس البيت خووش .
....خزرته بعيوني ودكيت رجلي بالكاع وحجيت بعصبيه وكتله ..
....نيران ..شاااهين لتكول ناره وكافي عاد تره ضوجتني ..
أنت تقرأ
بركان شاهين
Romanceاخوتي ليس شرطاً أن أكون من دمكم وصلب أبيكم لأكون منكم رابط المحبه وايام السنين كفيله بأن تجعلكم اخوتي ..... ..... لا تفعلوا بي كأخوة يوسف فليس هناك ما يستحق أن تخرقوا له القميص والذئب لن يعطيكم جائزه على قتلي .. وإن صرت العزيز يومآ فلن يكون لي عليكم...
