...شاهين ..صعدت لغرفتي حته انام بس وين يجيني النوم ورافد زعلان ويكابر ..
...مددت عالجربايه وبقيت افكر فكره تجيبني وفكره تأخذني شسوي .. احس نفسي اني السبب حور رفضت اخويه بسببي .
. بس اني اعتبرها اختي وماعندي شي وياهه .. اوووف انوب لا منا ولا منا اخويه رافد اقرب واعز واحد باخواني عليه ..
....بقيت بس افكر لحد ماغفيت ..
...وجان اكعد على صوت اتصال عالموبايل مديت ايدي عالكومدي اليم راسي شفت الاتصال .. من محمد .. فتحت خط..
.شاهين ...الووو هلو محمد
...لا والله ليهسه ماحجيت ويه البنيه شويه انطيني وقت وتدلل ..
...اي أن شاء الله بعيوني ..
...يله مع السلامه ..
....
طفيت الموبايل وكمت باوعت عالساعه نايم ساعتين وصايره دنيا مغرب ..
...كمت من الفراش رحت عالمرايه عدلت شعري وطلعت من الغرفه ..كلت اروح احجي ويه حور واخلص من السالفه لان محمد اكل راسي كل يوم يخابر ..
...شاهين .. رحت لغرفتها دكيت الباب وره شويه طلعت .. كلتلها ..
...شاهين ...اريد احجي وياج بموضوع تعاي ننزل جوه .
...حور ..اوكي هسه اجي ..
...شاهين ..نزلت جوه كعدت بالصاله وره شويه اجتي حور .. وكعدت يمي ..
...شاهين ..شوفي اريد اخذ رايج بموضوع ..
...حور ..اي كول شنو ؟
...شاهين .. محمد تعرفي ابن ابو محمد الي جان يشتغل ويه خالي راضي الله يرحمه ..
...حور ..اي ابو محمد الي جان يشتغل عند بابه شبي ؟
.خزرتها بعيوني وكلتلها..
..شاهين... اسمه يشتغل ويانه مو عدنا ..اكو فرق .. الناس موخدم عدنه حته هيج تحجين عيب ..
...حور..اسفه موقصدي ..
...شاهين ..يالله ماصار شي المهم .. محمد ابنه طلب ايدج مني للزواج ..
...حور ..اي وانته شكلتله ..؟!!
..شاهين ..اني مانطيته جواب كلتله اشوف البنيه وإذا وافقت ارجعلك خبر انتي شتكولين بقت يمج بعد اني مااجبرج هاي حياتج ...
نزلت راسها وكالت.
...حور ..بس انته تعرف اني اريد منو واحب منو .. اني ....
....قبل متكمل الجمله قاطعتها وكلتلها ..
...شاهين ..انتي اختي .. اختي الزغيره وبغير هالشي لتفكرين حور ..
...حور ..لا مواختك اني احبك والله احبك ليش متصدكني ..
...شاهين ..الي تحسي اتجاهي هذه موحب ..يجوز اعجاب يجوز تحسين بلامان يمي لان اني اقرب واحد من ولد عمتج الج
..يجوز تحسين بلانتماء اليه لان ابوج خلاج امانه يمي ..بس موحب ..لتسمي حب
..تره الحب شعور اجمل واكبر من الي تفكرين بي انتي صدكيني ..
أنت تقرأ
بركان شاهين
عاطفيةاخوتي ليس شرطاً أن أكون من دمكم وصلب أبيكم لأكون منكم رابط المحبه وايام السنين كفيله بأن تجعلكم اخوتي ..... ..... لا تفعلوا بي كأخوة يوسف فليس هناك ما يستحق أن تخرقوا له القميص والذئب لن يعطيكم جائزه على قتلي .. وإن صرت العزيز يومآ فلن يكون لي عليكم...
