بركان شاهين

بارت 17

نيران ..طبيت جوه اول ماطبيت .. جان اشوف عمو رحمن بالصاله وياه خالو بركان ومامه ورافد ... شنو هاي شعجب عمو رحمن عدنه صارله سنين ماجاي ولا واصل يمنه .. بقيت مصدومه ...اكيد اكو شي عمو رحمن ميجي إلا اكو شي جبير
............
...
الاحداث القادمه رح يرويها النا بركان .. خلنشوف بركان شيكول ..
......

....بركان ...قبل أكثر من عشر ايام .. قررت افاتح نيران بموضوع الزواج ..لان صائب كل يوم يتصل بيه .

.. حجيت ويه بلقيس ووافقت من سمعت بصائب رايد نيران ..لان صائب كامل المواصفات كل ام بالدنيا تتمنى هيج زواج لبنتها .

.بلقيس كلش فرحت من عرفت بي يريد نيران ... قررنه نحجي ويه نيران بالموضوع ..

.....بركان ...كعدنه الصبح وجنت اعرف محد بلبيت ممكن يأثر على قرار نيران غير شاهين ...اختاريت وقت يكون نايم بي حته احجي وياهه براحتي ...كعدنه عالريوك وحجيت وياهه ...

....اول ماسمعت بسالفة الزواج رفضت رفض قاطع .. اني استغربت شنو معقوله هيج ترفض الولد بدون متشوفه او بدون سبب مقنع ...

.....نزل شاهين من فوك وصارت تراشقات بالكلام واني كاعد اباوع عليهم شفت ردات الفعل مال شاهين

.. اني ادري بي يحب نيران من زمان من قبل ميطب للسجن ...وهاي قصه بعدين احجيها الكم ...

.....المهم ..صار كلام قوي بين نيران وبلقيس ..وانتهى بالرفض التام بعد مابلقيس ضربت نيران راشدي (كف) من طلع شاهين من البيت ونيران راحت لغرفتها صعدت حجيت وياهه وطلعت ...

.....كلت لازم اروح لرحمن واحجي وياه بالموضوع قبل ميروحله شاهين ويأثر عليه ...

....رحت لبيت رحمن .. وحجيت وياه وجان مرحب بالفكره بس جان عنده طلب أنه نيران متنجبر عالزواج كون يتم بموافقتها .

..اني جذبت عليه وكتله هيه موافقه بس شاهين مآثر عليها وتخاف منه ..

.....رحمن ... ابو ياسر اني رح اسويلي جيه لبيتك حته اكعد ويه نيران واحجي وياهه اذا شفتها موافقه عالزواج .. بذيج الساعه نزوجها لصائب وإذا حسيت بيها مجبوره لا هنا تعذرني . نيران بنت اخويه الوحيده اهم شي عندي سعادتها...

......بركان ...طبعا طبعا واني هم يهمني سعادتها .. وبالمره حته نسويهن عرسين مو واحد عرس الأم وبنتها ..شتكول ...

.....حجيت وياه وغمزتله وهوه فهم قصدي ...هنا رحمن انتعش ووجهه فرح من سمع بيه هيج كتله رد عليه وكال ...

..... رحمن ...ابو ياسر ..البنيه انته ربيتها على ايدك وهيه مثل بنتك انته فصل واحنه نلبس وهيه مصيرها لبيت زوجها بالنهايه ..

.....بركان ...رحمن يحجي واني اضحك عليه بداخلي .. من سمع بيه وافقت على زواجه من بلقيس بدل رأيه بسرعه وايدني