بركان شاهين

بارت 22

ركضت لمامه وحضنتها وهيه بقت مصدومه من شافتني كلهم انصدموا من شافوني وشافوا شصاير بيه ...

لطمت على وجهها وكالت ..
..... بلقيس.... هاي شصاير بيج الله لايوفقه .. وكامت تبجي وتدعي على صائب ...

.....نيران ..حجيتلهم كلشي صار وياي وسوالف صائب كلها ..

خالو بركان من شافني وسمع الحجي مني كله .. صار عصبي وكال

....بركان ..اذا مااجرجره بالمحاكم واخلي يندم عاليوم الي اجه بي للدنيا مااطلع اني بركان

..شنو هذه عباله انتي مگطوعه من شجره لو طالعه من فطر الگاع بسيطه يصير خير ...

.....كاعده يم مامه وجان يدك موبايل خالو بركان ..
....گمزت من مكاني وكتله .

نيران ...خالو لتجاوب فدوه خاف هذه صائب ..

....باوع عليه وكال ..
....بركان ...لتخافين بعد لو يموت مااخلي يشوف اضفرج ..

...رد عالاتصال وطلع اتصال من شاهين ...

....خالو بركان من حجه ويه شاهين وجهه صار يگلب الوان وعافنه وطلع للشارع ..

....وره دقايق اجه .. بس طب علينه حاله مگلوب ووجهه اصفر وعيونه تدمع .

. كامت رياحين تريد تشوفه شبي .. اشرلها بيده يعني .. عوفيني وحدي ..

عافنه وطب لغرفته بدون ميحجي شي ..

....احنه بقينه وحده تباوع للثانيه الفضول يقره الف ..

....رياحين... رح اتصل بشاهين اشوف شگال لبركان وهيج انگلب وجهه

....بلقيس ...لحظه انتضري شويه اروح اشوف بركان واجيجن لتتصلين على أحد ...

...عافتنه مامه وراحت .. بقينه نسولف اني ورياحين .. وسألتها ..

....نيران ..اكول رياحين .. شاهين شلونه شخباره...؟

....رياحين ...اذا اكولج صارله شهرين من يوم عرسج ولليوم ماطاب لبيتنه تصدكين ؟

.....نيران ...صدك ؟ ابد مااجه ؟

.....رياحين ..ابد ولا وصل لهذه البيت وكلما اخابره اكوله تعال نشوفك يكول مااجي هسه عندي شغل ضروري ..شنو هذه الشغل محد يعرف ..

....نيران ..شو گلبي لچمني حاسه اكو شي مهم صاير وخالو بركان يعرف بي .. ماشفتي شلون صار وجهه من حجه ويه شاهين ..

.....رياحين ..الله يستر يارب افرجها مابينه حيل مشاكل ..

.....بقينه نسولف اني ورياحين وره شويه طبوا علينه خالو بركان ومامه بس هالمره ثنينهم وجههم ميتفسر .. ياسر گام وگف وكال ..

....ياسر ...شنو القصه شبيكم شصار احجوا مو ضل بالنه ..

....خالو بركان گعد عالقنفه وفرك وجهه وعينه بالكاع وكال ..