بركان شاهين

بارت 8

. صار يمشي ويتقرب مني  واني جسمي يرجف حيل مدري شصار بية من شفته

.. عيوني غوشت وصوت طنه بأذني صار والدنيا صارت ضلمه وماحسيت بشي بعد.... فقدت الوعي .. 

......بعدين كمت اسمع صوته واحس ضربات على خدي ...يضربني ..اسمع بس اصوات بس مااشوف شي ضلام على عيوني مدري شبيه شصارلي ...

.....شاهين ... نيران ... نيران .. كومي ..شبيج .. تسمعيني .. هاي شبيها ياالله .. ...

....شاهين ..اول ماطبيت للغرفه شفتها واگفه عبالي عرفتني ابتسمت ردت استقبلها بس شفتها فقدت الوعي ووكعت بالكاع ركضت عليها ردت اشوف شبيها خفت عبالي بسببي ماعرفت شسوي اصحي بيها اضربها على خدها احجي مالها نفس ركضت أصيح رياحين تشوفها...

....شاهين ..  رياحين وينج بسرعه تعاي ..

....رياحين ..  ها شاهين . ..

.....شاهين ..  بس تعاي وياي نشيلها اول ماطبيت للغرفه فقدت الوعي ووكعت بالكاع مدري شبيها  يمكن عدها هبوط تعاي شويه ..

رياحين .. متكدر تشيلها وحدك .. ؟

....شاهين .. اكدر بس ماريد اشيلها وحدي الزميها وياي ..

.....رياحين .. مواني حامل ميصير أشيل ثكل ..شاهين عفيه انت شيلها ..

....شاهين .. ضليت صافن على نيران .. خرب نسيت رياحين حامل ..

شلون لعد شسوي ميصير الزمها ..

.شاهين.... رياحين ساعديني شبيج حاولي شويه ترفعيها عالجربايه ..

.....رياحين .. يله امري لله رح اشيلها بس ياويلك اذا صارلي شي ..

.....شاهين .. لتخافين ميصير شي على ابنج لان هذه ابن بركان بسبع ارواح مثل ابوه  شيليها وياي يله ...

......شاهين ... رفعتها رياحين من أيدها واني لزمتها من الستره مالتها ورفعناها عالجربايه ...

.....رياحين .. وهسه شلون شنسوي هاي فاقده الوعي .. شبيها ..

.....شاهين .. رح انتضر نص ساعه اذا ماكعدت اروح للمستشفى اجيبلها دكتوره تشوفها ..

.....رياحين .. خطيه  هسه انت مالكيت إلا هاي الطريقه تجيبها بيها .

. شلون تحطلها مخدر خاف ليهسه مفعوله بيها ونايمه ...

....شاهين ...ماادري بس ابو الصيدليه كال نص ساعه بالهواي يروح التخدير ليش هيج صارلها أكثر من ساعه وبعده بيها ..

.....رياحين .. اروح أسويلها شي تاكله خاف تكعد جوعانه ..

.....شاهين .. اي والله ياريت...

وصلت رياحين للباب رادت تسدها وتطلع ..  وصحت بيها ..

.....شاهين ...لالا لتسدين الباب خلي مفتوح وروحي ..