بركان شاهين

بارت 4

.....شاهين ... من سمعت الحجي مال ابو محمد عقلي طار من مكانه وانصدمت صدمة عمري ...

بحيث بسبب الغضب عيوني انعمت وصرت ماافكر غير بس بالانتقام ...

.......لهذه السبب قررت اخليهم يعيشون العذاب بكل الوانه إلا أحرم عينهم من النوم واحرمهم من راحة البال واخليهم يعيشون نفس الضلم الي صار بيه ....

.......قبل شهر ...

.....شاهين .. من سمعت اخبار اهلي من ابو محمد قررت اراقبهم من بعيد لغاية في نفس يعقوب .. 

.....اخذت عنوان اهلي وتنكرت بملابسي حتى محد يعرفني

لبست كليته سوده ونضاره شمسيه وستره جلد وبنطرون وبلوز اسود ..لبست سواد كأنما جنت ناوي اعيش الحداد على اخواني الي ذبوني بحلك الذيب بدون ميرف الهم جفن ..

 
.....رحت للمنطقه مال اهلي . وبقيت اراقب بيت بركان من بعيد جانت دنيا صبح والجو ماطر وبارده ...

....واكف يم سياره كيا مركونه بنهاية الفرع  وبإيدي جكاره مورثها سحبت اخر نفس منها وذبيتها بالكاع رفعت راسي وجان اشوف ... بنيه شابه طلعت من بيت بركان وجانت سفور ملابسه حجاب وجهها مو واضح من بعيد ركزت عليها وعرفتها هي رف گلبي عليها مثل الطير ...

..مشيت وراها  بقيت امشي .. لحد ماوصلت  يم سياره ستاركس  بيضه صعدت بيها ..

واني بسرعه اول مامشت سيارتها صعدت بالتكسي الوراها حتى  الحگها .. طلبت من السايق يمشي وره الستاركس الكدامه.... لحد ماوصلت للجامعه

.. نزلت هي واني هم نزلت وراها وبقيت  امشي .. لحد ماطبت للبنايه مال كلية القانون ردت اطب وراهه بس الأمن مال الكليه ماقبل طردوني  لان جان شكلي موراحه وشكوا بيه الحگ بنيه حسب ماگالو الأمن ...

...شاهين...رجعت للمنطقه وبقيت اراقب الوضع لحد ماشفت بلقيس طلعت من بيت بركان

هنا گلبي طار من الفرحه ردت اركض واحضنها صارلي سبع سنوات مشايفها ..

بس بالگوه لزمت نفسي حتى ميخرب المخطط الي براسي ...

....هم بقيت  امشي وره بلقيس .. لحد ما راحت لبيت ثاني يبعد عن بيت بركان فرعين ..

شفت البيت بي عمال يشتغلون  وبلقيس طبت للبيت وره نص ساعه طلعت وهالمره مالحگت بلقيس لا رحت للعمال حجيت وياهم .. ردت اعرف هذه مالمن البيت وليش بلقيس طبت للبيت ...

.......شاهين ..تقربت من البيت ..شفت عامل يطلع عمره 17 سنه صغير ديسوي خبطه مال سمنت وإيده حمره من البرد والمي مبلل ملابسه وحالته يرثى لها تقربت منه وكلتله...

......شاهين ... سلام عليكم حبيبي
.....رفع راسه العامل ورد السلام .. عليكم السلام عمو ..
..... شاهين ...انت شسمك ..
.....اسمي باقر ..
.شاهين ....عاشت الاسامي باقر اكول باقر سؤال.
.....أسأل عمو
.....شاهين .. انتو شلون تشتغلون عماله والجو شتاء هسه وبي مطر موهيج موزين على البيت رطوبه تخرب شغلكم كله ...
.... باقر... عمو احنا نشتغل على باب الله  وصاحب البيت طلب من عدنا نشتغل بهذه الوقت مستعجل يريديخلص البيت من وقت