بركان شاهين

بارت 21

بلقيس .. لهذه السبب جنت ابعد نيران عن شاهين ماريدها تتعلق بي واني ادري هذه الشرط صعب يتنفذ ونيران رح توكع بيناتهم ضحيه ..

.....رياحين ...بس هذه موسبب مقنع جنتي تكدرين تكعدين ويه نيران وتحجيلها كلشي وتخليها هيه تختار ...

....بلقيس ...ادري بيها اذا احجيلها رح تعاند وتبقه على موقفها وبعدين بركان ماقبل احجيلها شي واني مااكدر اتجادل ويه بركان مابيه حيل مشاكل ..

.....رياحين ..من سمعت الحجي مال بلقيس .. عرفت شاهين ونيران شكد انضلموا يعني بركان رسم وخطط وقرر حياتهم ومصيرهم كله

.. بس الي خلاني أتعجب شاهين ليش ساكت وديسايره لبركان ليش مااخذ نيران وتزوجها غصب عنهم .. ماادري ... عجيب امره هالشاهين .. 

.....بلقيس ..يله رح انام تصبحين على خير وانتي هم نامي موزين عليج السهر ..

....رياحين...يله رايحه تصبحين على خير ..

.....رياحين ...شاهين من يوم الي اجونه صائب ونيران بالعزيمه ولليوم مااجه للبيت باقي ابيته الثاني ..وكلما نخابره يكول عندي شغل ومااجي هسه ..حته رافد راح وياه ومندري شنو القصه ..

................
بيت شاهين ..
................

شاهين .... من يوم الي تزوجت نيران واني مااكدر اطب للبيت مال بركان .. احس كلشي بلبيت يخنگني

حاولت احجي ويه بركان بس ردت احسن صورتي عنده لكن ماكو فائده بركان الحقد مالي گلبه من ناحيتي ..

لذلك قررت احققله الامنيه الي يتمناهه كلت بلكي يتغيير وياي اذا تحققت ....

.....رحت لبيتي الثاني حته اكدر اتصرف براحتي بعيد عن العيون ...وأخذت رافد وياي لان الوحيد الي اثق بي من اخوتي.. 

....سويت فريق مكوون من اربع زلم واني الخامس وياهم كلت حته اسوي بحث مكثف ..

.....ابو محمد ... ومحمد ابنه ..واني ..ورافد ... وباقر ...
....كل واحد انطيته مهمه يقوم بيها ...

.....ابو محمد بحكم عمره وعلاقاته يعرف ناس هواي بدور العجزه .. كلفته يدور على خاله رشا بدور العجزه وانطيته معلوماتها الكامله .

.. ومحمد يشتغل موضف بالنفوس ...كلفته يبحث عنها ويدك اسمها بالحاسبه وعنده معارف بالنفوس هم يساعدوني...

....ورافد كلفته يرجع للمنطقه مال اهلي القديمه يسأل الناس هناك عنها ويجمع معلومات ..

....وباقر .. راح ويه ابو محمد حته يساعده

.. واني تواصلت ويه صديقي عادل لان هذه عادل واحد ملعب وأبو نسوان وممخلي ملهى ليلي مارايحله بالعراق .. كلت يفيدني يفتر وياي .

.. رحنه اني وياه للملاهي نسأل وندور ... طبعا ماادري شنو الخلاني ادور بلملاهي رغم ماجان عندي شك لو واحد بالميه الكه خاله رشا بهيج اماكن بس كلت الاحتياط واجب ادور بكل مكان ...

....بقينه اكثر من عشر ايام ندور ونسأل ومالها اثر  ..