بركان شاهين

بارت 19

مشت السياره ووصلنه للبيت
....نيران ... طبيت للبيت وحسيت گلبي انقبض ..الطريق كله دموعي مانشفت ابد .. بالي وتفكيري كله يم شاهين ..

حاسه نفسي لابسه چفن مو بدله ..
....صائب ..فتح باب الغرفه وطبيت ...

شفتها حلوه وفخمه .. ذوقه كلش حلو مختار كلشي بعنايه ودقه ..

....طبيت للغرفه وجنت كلش تعبانه هواي وكفت بالعرس ولابسه كعب عالي بحيث رجلي مااحس بيها اول ماطبيت للغرفه رحت كعدت عالجربايه ...دنگت على رجلي ونزعت الحذاء ...

.....صائب ..اجه كعد يمي .. اول ماكعد ..فزيت من مكاني وكمت وكفت ..
هوه هم وكف وكال ..

....صائب ..اكعدي شبيج ..

....نيران ..لا ماريد ..ووخر عني لتتقرب والله اذا تقربتلي هسه اصيح والم عليك الناس ...

....صائب ..ادري ماخذج غصب لو بالحرام ..غير زوجتي شبيج عصبيه اهديء خلنتفاهم ..

....نيران ..مااتفاهم ومااكعد ووخر عني كتلك .. تره والله اموت نفسي اذا تتقرب مني ..

....صائب ...شنو تموتين نفسج بابه انتي صاحيه كل عقلج عود تحجين...

.....نيران ..لا مخبله وديربالك مني ووخر عني صائب والقرآن اذا تتقربلي هسه اسوي شي بنفسي وابليك ...

.....كام يهز بيده وضحك وكال ..
....صائب ...والله ياالله .. عود حاسب نفسي عريس .. اثاري اخذت وحده مخبله وماادري ...

....نيران ...مشيت ليوره بخطوات خايفه اريد ابتعد عنه ..وجان أعثر بالبدله ووكعت بالكاع ..

....ركض عليه صائب ...راد يكومني لزم ايدي وكال ..
....اسم الله كومي يابه ..

.....نيران ...نفضت ايده وكتله بصوت عالي .. 
....نيران ...وخر عني كتلك لتتقرب مني متفتهم انته شبيك ..

.....جر نفس قوي وكال ..
....صائب .. ياصبر ايوب .. الله يعدي اليوم على خير ..

.....نيران ...كمت من مكاني ودموعي مانشفت ابد ..بقيت واكفه وماادري شسوي وهوه واكف يباوع عليه ...وكال ..

.....صائب ..بس فهميني ليش تبجين ...زين اكعدي احجيلي شبيج ... والله اني احبج واريدج زوجه اليه وماعندي نيه اسوي شي يضرج .. لوبس اعرف ليش هيج تسوين وياي ...

.....نيران ...من سمعت الحجي مالته ..كعدت عالجربايه وحطيت ايدي الثنين على وجهي وكمت اشهك وابجي بصوت عالي ...

....حسيت نفسي ...تورطت ورطه وبعد مااكدر اطلع منها اني شجابني هنا شلون وصلت لهاي الحاله ...اني موهذه مكاني ولا هذه الرجال الي احلم اتزوجه ...

حاسه نفسي بكابوس واريد اكعد منه ...
......تقرب مني وكعد يمي وكال ...

....صائب ..نيران ...احجيلي الصراحه والله مااسوي شي يضرج بس كوني صريحه وياي تره وضعج موطبيعي هذه مو حال عروس بليلة عرسها فهميني شكو ..