شاهين ..هذه .. صائب داز ورقة طلاگج مطلگج غيابي بالمحكمه ..
...نيران .. ابتسمت بوجهه ابتسامه مزيفه ومديت ايدي اخذت الضرف منه وعفته وطبيت جوه صعدت لغرفتي بدون مااحجي ويه احد .. طبيت وقفلت الباب ..
...بقيت صافنه عالضرف... هذه الضرف هوه إثبات انفصالي من تجربه قاسيه بكل معنى الكلمة عشتها ويه رجل انفرض عليه فرض شفت وياه القسوه والضلم بكل انواعه واني مالي اي ذنب .
. مجرد جان قرار غلط اخذته بلحظه تهور ودفعت ثمنه غالي حيل ..
...بقيت يوم كامل حابسه نفسي بالغرفه مااحجي ويه احد .. اجذب اذا اكول ماانقهرت بيومها .. مولان صائب طلگني .
. بس لان جنت خايفه من نضرة المجتمع اليه وشلون رح اواجه الناس بعد ماصار اسمي مطلقه
.. وخصوصاً اني طالبة جامعية . شلون رح اداوم واحتك بالطلاب واني اسمي مطلقه رح يتقبلوني لو يرفضوني ..
...بقت مامه ورياحين كلساع يطبن عليه للغرفه ويحجن واني مااسمعهن عبالك عايشه بعالم ثاني بالي وتفكيري مو وياهن حته مااتذكر شحجن وياي بوقتها
.. لحد ماسمعت صوت شاهين واكف اباب الغرفه وكال ..
...شاهين ..اكدر احجي وياهه وحدنه ..؟
... بلقيس ..اي تعال بلكي تحجي وياك لان من الصبح ليهسه ساكته وماحجت شي..
....نيران ..طلعن مامه ورياحين من الغرفه .. وشاهين تقرب مني وحط كرسي بعد مسافه عني والباب مفتوح بقه .. كعد كدامي وعينه عليه وكال ...
....شاهين ..كل إنسان بينه عاش ضرف صعب بسبب هذه الضرف صارت عنده ردة فعل أو مخلفات سلبيه أثرت على نفسيته وحياته .
. وكل إنسان يغلط بقرار أو تصرف سواه بحياته ويدفع ثمن غلطه .. موغلط ولا جريمه أنه انتي اتخذتي قرار غلط مره ودفعتي ثمنه .
. بس الغلط أنه تخلين تبعات هذه القرار تأثر على حياتج سلبآ.. صح عشتي ضروف صعبه وصائب جان درس قاسي جدا عليج ..بس لتخلين موضوع طلاگج منه يسببلج طاقه سلبيه بحياتج لو يأثر على علاقتج بالناس .
. انتي عبالج اني ماحاس بيج لو مااعرف بشنو تفكرين وشنو يدور براسج ؟؟
...شاهين ..الله يشهد عليه كعدتج هاي وحدج وحابسه نفسج بالغرفه والحزن الي اشوفه بعيونج كل يوم وهروبج من مواجهة الناس كاسره گلبي كسر لوبيدي اشيل الحزن الي بعيونج وابدله بفرح لومهما كان الثمن مراح اقصر ولا اتردد لحظه وحده
.. بس انتي احجي وطلعي البگلبج لتبقين ساكته سكوتج يذبحني ومربط ايدي .. بس احجي فهميني شنو الي قاهرج هيج حته اكدر اساعدج فدوه اروحلج ..لتبقين ساكته ..
....حجيت وياه وعيوني بالكاع وكلتله..
...نيران ..عادي ليضل بالك يجوز انقهر فتره وبعدين اتعود ويصير شي عادي عليمن تفكر وشاغل بالك .
أنت تقرأ
بركان شاهين
Romanceاخوتي ليس شرطاً أن أكون من دمكم وصلب أبيكم لأكون منكم رابط المحبه وايام السنين كفيله بأن تجعلكم اخوتي ..... ..... لا تفعلوا بي كأخوة يوسف فليس هناك ما يستحق أن تخرقوا له القميص والذئب لن يعطيكم جائزه على قتلي .. وإن صرت العزيز يومآ فلن يكون لي عليكم...
