بركان شاهين

بارت 7

ودرس بركان وصار ملازم وشويه شويه صار يترقى ويكبر ... وبركان كلما يكبر أكثر كلما يدوس علينا واحد واحد

......بلقيس .. بيوم من الايام اجه بركان من المدرسه وجان فرحان حجالي عن بنيه يعرفها من فتره ..

كالي هوه يحبها وهي تحبه تصير بنت جيرانه .. وجانوا اهلها ناس متمكنين ماديآ ...

.....بقى يقنع بينا اني وعلي لحد ماوافقنه .. واخذنا عمي وولد عمي ورحنا نخطب زمن لبركان .. وخطبناهه وجان كلش فرحان

.. اني كلت زمن رح تغيير بركان وتخلي يتحسن نفسياً ..
.....شويه شويه صارت تسايره حتى يستمر بالعلاج النفسي

.. إلى أن حبلت زمن وجابت ياسر .. من اجه ياسر للدنيا بركان تغيير وترك المهدآت والعلاج النفسي ..

وصار وقته كله بالدوام وكل كم سنه يترقى ويكبر ويكبر  لحد ماصار شخص مرموق بالدوله ...
كلت هايهي بركان تغيير ونسى الماضي ..

.....بس طلعت غلطانه بركان هوه بركان .. تشوفينه هاديء من بعيد بس من تتقربين منه ينفجر عليج مثل بركان الجبال ويحرگ كلشي يوكف كدامه وبوجهه ....

.....من مات فلاح ابوج الله يرحمه ورجعت لبيت بركان وبيدي طفله عمرها 3 سنوات .. اخواني كلهم اعترضوا كالوا ابوها وامها ماتوا رجعيها لعمها هوه يحير بيها وانتي شوفي حياتج ليش تربين طفله موبنتج ...

.....بذاك الوقت جان عمج رحمن اخو فلاح الصغير رايدني ..

وأكثر من مره خطبني وكالي اتزوجج ونربي نيران سويا وهي بنت اخويه وانتي بنت عمي احسن متتزوجين غريب ويضلمها .

. بس اني رفضته اني احب فلاح ومافكرت بيوم اتزوج غيره لهذه السبب عاهدت نفسي ابقى عايشه على ذكراه .. واربي بنته احسن تربيه .

.. بس اخواني مارحموا بحالي صاروا يضغطون عليه..

.... إلى أن بيوم من الايام
شاهين اقترح على بركان اقتراح وكال ...

....شاهين ... ابو ياسر اني اكدر افتح بيت شتكول أشيل بيت وحدي وأخذ وياي بلقيس ونيران يعيشن يمي وهم نخفف عليك لان البيت انترس واحنا صرنا هواي وام ياسر هم تاخذ راحتها ...

.....بركان ... ايباااخ وتريد تاخذ اختي وبنت فلاح يمك وهنه غريبات عليك كل عقلك تحجي شلون أئمن عليهن يمك ...

روح بابه روح خاف صدكت انت اخونا وماادري ..

....شاهين ... بركان  اني اخوك وانت اخويه لاتنسى احنا تربينا سويه من الطفوله ..

شنو هالكره الشايله بكلبك عليه .. ياأخي كافي انسى الماضي وعيش حياتك وتصالح ويه نفسك عاد كافي حقد وغل وكره مو رح تتدمر حياتك بسبب السواد البكلبك ...

.....بركان .. صار يصيح بعصبيه وكال ...

ولك انت ابن تماضر تعلمني عالصح والغلط .. ولك والله لو يبقى بعمري يوم واحد إلا ادمر حياتك مثل مادمرت حياتي انت وامك ..