بركان شاهين

بارت 12

....شاهين ...خلصت مكالمه من  كرم ابن خال حور .. ورجعت اتصلت برافد  اريد اشوفه وين صار يجي للعراق لولا لان كلش محتاجه يمي ..

.....رن التليفون ..
.....شاهين .. الووو رافد شلونك حبيبي

....رافد .. هله بيك شاهين شلونك ..

.....شاهين ... بخير من سمعت صوتك ...بشرني شنو الاخبار وين وصلت ..

.....رافد ..بخصوص شنو

.....شاهين .. يعني تجي للعراق لولا موكلتلي أرتب اموري واجي ..

.....رافد .. شويه بقى بس اشتغل هذه الاسبوع نهايته اخلص واجي ..

.....شاهين ...يمعود ليش هالتاخير موكتلك محتاجك يمي

....رافد ..والله ماعندي شي بس ابو المحل ترجاني ابقى بس هذه الاسبوع حتى يشوف عامل بمكاني يله اعوفه .. ميخالف اصبرلي مابقى شي واجي والله ..

.....شاهين ...ديله انتضرك شسوي امري لله

....رافد ...شنو الاخبار احجيلي اخواني شلونهم انت شلونك .

....شاهين .. الحمدلله اني بخير ناقصني بس شوفتك .. واخوانك مااعرف اخبارهم  بس محضرلكم مفاجاه بهذه الشهر الكم كلكم بس تجي تعرف كلشي ..

....رافد ..ميصير هسه تكلي .

.....شاهين ..لا ميصير بالوقت المناسب تعرف كلشي ..

.....رافد ... ههههه ديله ننتضر ونشوف

.....شاهين ..يله حبيبي اخذ راحتك خاف عندك شغل ديربالك على نفسك ..
.....رافد ..مع السلامه حبيبي
...............

....شاهين .. خلصت المكالمه .. ورحت للمطبخ اشوف رياحين كالت اسوي الچاي وليهسه ماكو ..

....طبيت للمطبخ ماكو احد بي

....رحت للغرفه .. وصلت يم غرفة نيران ردت اشوفهن شعدهن ليهسه لا عشاء ولا چاي .. وكفت اريد ادك الباب ..واسمع صوتهن واضح يحجن ...

......رياحين .. يعني وتالي وياج رح تخلصيها بجي دكافي حتى دموعج خلصت ..

.....نيران ...عوفيني وحدي اريد انام ..

..... رياحين ..دكومي وياي للمطبخ نسوي كيكه ..اني اتوحم وحامل ومشتهيه كيكه حبابه كومي

.....نيران ..ماريد عوفيني ضايجه انتي سويها ..

....رياحين ...يمعوده مااشتهي الأكل الي اني اسوي وحامي مزعج اله احد يطبخ غيري يله اكدر أكل

.....نيران ..  رياحين الله يخليج عوفيني بحالي راسي يوجعني ومالي خلك ..

.....رياحين ...ادري هاي كله لان كالج رح يسكن بيت وحده وإذا يعني عود من تشتاقيله روحيله غير هوه خالج شكو بيها

....صرخت نيران بصوت عالي وكالت ...
....نيران ...لتكووليين خالي موصخام هوه منين صار خالي صرتي مثل امي كلساع وكالت خالج ..