بركان شاهين

بارت 13

البيت دخل حالة هدوء.. الكل مصدوم عبالك ضربهم طلقه مو حجه شكم كلمه وطلع..  بقى الهدوء مسيطر على المكان ...لحد ما قطع الهدوء هذه ...خالو بركان ..

...من وكع بالكاع فاقد الوعي ..
.....ركضنا كلنا عليه نصحي بيه وماكو خالو علي ركض جاب سياره وياسر حاط راسه بحضنه ويبجي وماما كاعده يمه وتبجي وتشهك  .

.. واني ضليت صافنه على الموقف الصار ..حاسه نفسي بحلم. ...

.......نيران ... شاهين ليش هيج تسوي وشنو غايتك .. موكلت ماريد اضلم أحد ..لعد الي سويته بأهلي شنو مو اسمه ضلم .. 

.....قطعت تفكيري ماما وهي تصيح عليه بصوت عالي وكالت ..
....بلقيس ...نيران... بسرعه تحركي خلي نروح ويه خالج ..

.....نيران ...لبسنا ملابسنا بسرعه ورحنا للمستشفى .. خالو بركان .. حالته تصعب على الكافر

.. شكد عصبي هوه ويصيح ومرات أحسه إنسان مغرور وشايف نفسه  بس من شفت منضره شلون واكع بالكاع بجيت ونزلت دموعي ..  حسيته عبالك جبل وانهد ووكع ..

......نيران .. بعد فحوصات طبية وتحاليل .. كالوا الأطباء ..
....خالو بركان صابته جلطه بالقلب خفيفه... وعنده انسداد بشريان رئيسي بالقلب ولازم يسووله عملية قسطره بأسرع وقت ممكن ..

....وبنفس الساعه ..دخل خالو بركان للعمليه وبعدها بساعه طلعوا .. بغرفته ..

.....سوه عملية قسطره لگلبه ..
.....حجزناله جناح بمستشفى اهلي ..

لان هوه منصبه عالي في مجال عمله ...وصاروا زملائه بالدوام يجون يزورونه حتى يطمأنون عنه ..
وكلهم أصحاب رتب ومناصب

.. كاعده بغرفة خالو بركان .. اني وماما وطب علينا ياسر كال

....ياسر .. عمه بلقيس ..اجوي اصدقاء ابويا اني اكول لو تطلعن انتي ونيران بعد اني وعمو علي نبقى يمه لان كلهم زلم وزحمه شلون تبقن هنا  ..

.....بلقيس .. يله ماشي اني رح اروح عندي شغل بالقسم مال نسائيه  ونيران ترجع للبيت .. وإذا تحتاجوني اني موجوده بالمستشفى بعدني ماطالعه .. عود اتصل عليه اجيكم...

.....نيران ...طلعت ماما واني كمت اريد اطلع وراهه شفت موبايلي يرن .. اتصل عليه شاهين

.. بسرعه طلعت الموبايل وسويته صامت ماريدهم يعرفون بيه اتواصل ويه شاهين ..

.. دنكت راسي حتى أضم الموبايل  بالجنطه مالتي .. افتح بالجنطه واني امشي اريد اطلع بره 

.. وجان انضرب بشخص بدون ماادري يم الباب مال غرفه جان يريد يطب واني طالعه وتصادمت وياه بالغلط.. ...

....نيران . ..رفعت راسي وجان اشوف رجال شاب يطلع عمره قريب ال 30 أقل اكثر مااعرف بس هوه وسيم وعيونه خضر واشگر..

.. لابس ملابس عسكريه مرقطه مثل لبس خالو بركان ... اول مارفعت راسي صارت عيوني بعيونه ...

......نيران .. اسفه موقصدي ..
.....صائب ..ابتسم وكال ... لا اني اسف ولايهمج ..