...مرت الايام عاديه .. لحد مااجه موعد الخطوبه مال حور . وبلشنه تحضيرات...
.....نيران .. كعدت الصبح حته نحضر نفسنه للخطوبه والبيت انترس خطار مامه اخذت حور للصالون وراحت واني ورياحين وليالي بقينه نرتب البيت ونحضر نفسنه للحفله .
..دااعزل بالصاله وجان تصيحني رياحين وكالت ..
.رياحين..نيران اصعدي كعدي رافد من النوم والله موتني دنيا ضهر والناس رح تجينه وهذه ليهسه نايم ..
...نيران ...يله هسه اروحله ..
....صعدت لغرفة رافد مالگيته وفراشه مرتب عبالك مانايم ابد بالغرفه ..
...طلعت من الغرفه داانزل جان اشوف شاهين طلع من غرفته وكلتله ..
...نيران ..صباح الخير ..
.ابتسم وكال ..
....شاهين ..صباح الورد ..
...نيران ..اكول شو رافد ماكو بغرفته عود صعدت حته اكعده عبالي نايم ..
...شاهين ..رافد سافر البارحه بليل لعمان ..
...نيران ..ياا ليش هيج مستعجل غير نسلم عليه شلون يروح ومندري بي ..؟!!
...شاهين ..يمعوده موتدرين بي زعلان لان حور رح تتزوج ...طلب مني يسافر وكلتله براحتك ..اني ادري بي مقهور بس هوه يكابر خلي يروح هناك يعيش بلكي ينساها شبيدي عليه ...
...نيران ..خطيه رافد والله ميستاهل الله يعوضه ويرزقه بأحسن منها ..
ابتسم وكال ..
...شاهين ..امين .. ويحنن گلبج عليه .
.مشيت كدامه وكلتله..
...نيران ..اهووو شاهين مو وكتك امشي ننزل جوه عندي كومه شغل وبعدني ممحضره نفسي ليهسه ولا مقرره شنو البس فستان ..
صار يمشي بصفي وكال..
....شاهين ..انتي اي شي تلبسي يطلع حلو عليج ليش خايفه ياحلوه ..
...نيران ..شاهين كافي عيب لحد يشوفنه وخر عني يله رح انزل ...
....شاهين ..عليمن عيب غير خطيبتي ..
من كال هيج حطيت ايدي على خصري وكلتله ...
...نيران ..لابله منين صرت خطيبتك شو بكيفك تقرر؟؟
...شاهين ..خطبتج من عمج رحمن ووافق بعد شنو ...
...نيران ..المهم اني اوافق مو عمو رحمن ..شنو رح تتزوج عمو رحمن لو تتزوجني؟
...شاهين ..لا طبعا انتي اريدج عزه شسوي بعمج رحمن ..
...نيران ..هههههههه ديله وخر عني خلانزل ..
....نيران ..نزلت جوه وكلهم عرفوا رافد مسافر بليل ورضوا بلامر الواقع ...
...خلصنه شغل البيت واجوي الخطار وخلصنه الغده ..
...نيران ..صعدت حته أبدل ملابسي واتحضر ..طبيت لغرفتي ..شفت عالجربايه علاگه كلش جبيره ويمها كارتونه جبيره ..
أنت تقرأ
بركان شاهين
Romanceاخوتي ليس شرطاً أن أكون من دمكم وصلب أبيكم لأكون منكم رابط المحبه وايام السنين كفيله بأن تجعلكم اخوتي ..... ..... لا تفعلوا بي كأخوة يوسف فليس هناك ما يستحق أن تخرقوا له القميص والذئب لن يعطيكم جائزه على قتلي .. وإن صرت العزيز يومآ فلن يكون لي عليكم...
