بركان شاهين

بارت 26ج2

رياحين ... طلعنه للبيت اني وابني وبركان وشاهين والبنات

..بلقيس بقت بالمستشفى كالت تخلص دوامها وتجي ..

....رجعت لكيت البنات محضرات الغرفه ومشترين جربايه مال طفل تخبل اول ماطبيت تفاجأة بيها كلش حلوه .. سألت ليالي عليها ..

....رياحين ...هاي شوكت جابوها الجربايه منو جابها كلش حلوه ..

.....ليالي ...هاي شاهين جابها وكال هاي هديه منه للطفل من جنتي بالمستشفى هوه اجه حضرها هوه ورافد ورجع الكم ..

....رياحين ..والله شاهين عليه سوالف ميبطل منها شكد عيب خطيه كلف نفسه هيج ..

.....رياحين ..دااحجي وجان اسمع صوت ورايه كال ...

....شاهين ...ليش مكلف نفسي غير ابن اخويه واشتريله ..

....رياحين ..انداريت ورايه شفته ماد راسه من الباب ويبتسم ويحجي وكال..

.....شاهين ..اكدر افوت ؟

.....رياحين ..تفضل تعال ..

....شاهين ...وينه وينه هذه المگرود من هسه ضالمينه عفتوا الاسماء كلها وسميتوا شاهين ...

....دنگ راسه عالجربايه مال شاهين وسمى بسم الله وشاله بيده وكام يناغي ويبوس بي ابتسم بوجهه وكاله ..

....شاهين ...ولك موتصير مثلي ديربالك اقفل گلبك بعشر مفاتيح وذبهن بالشط

ولتخلي وحده تدخل گلبك وتگلب حياتك لاتغلط غلطة عمك يول ..

.....من حجه هيج .. حور كالتله ..
....حور ..يعني نيران غلطه تقصد ؟

....رفع عينه عليها شاهين بنضره حاده وكال ...

....شاهين ...لا طبعا مونيران الغلطه ..

الغلطه أنه اني ماكدرت احافظ عليها واحارب أكثر لخاطرها .. لهذه السبب خسرتها وراحت مني ..

....حور ...عادي انسه وابدي صفحه جديده نيران هسه اببيت زوجها وانته هم عيش حياتك خوما تبقه تنتضرها طول العمر ...

.....شاهين نزل ابني للجربايه مالته ورفع عينه على حور وكاللها ..

.....شاهين ...اني قفلت بعد ماريد نسوان بحياتي ومرتاح هيج .

. أن شاء الله نفرح بيج وازفج بيدي لزوجج انتي اختي الزغيره وخالي وصاني عليج وأن شاء الله اني كد الامانه ..

.....وعافنه وطلع من الغرفه ..

....اباوع على حور وجهها كام ينطي الوان من سمعت الحجي مال شاهين

وره شويه هم عافتنه وطلعت .. بقت ليالي يمي تحضرلي غراض شاهين والممه مالته .

.بدلت ملابس شاهين وانطيته الممه ونام اني هم حسيت نفسي تعبانه نمت على نومته..