بركان شاهين

بارت 11

ونضفت المطبخ وسويتله چاي شربه وراح نام .

. واني رحت لغرفتي بس ماكدرت انام لان قبل شويه كعدت من النوم... بقيت اتگلب بالفراش لحد ماتعبت ونمت ...
.............

شاهين.. صارلي يومين من دزيت الرساله لبركان ومنتضر الرد منهم ..

.....طبعا اني حاط باقر يراقب البيت واعرف اخبارهم وعرفت عرض البيوت للبيع كلهن بركان ....

. لهذه السبب ... دزيت ابو محمد وكلتله يشتري البيوت منهم بالسعر الي يردونه ...ولأن همه مستعجلين على البيع ومحد يعرف ابو محمد ولا شايفين شكله وافقوا يبيعون .

  واليوم موعد المكاتبه ومنتضر اتصال من ابو محمد حتى يبلغني شصار وياهم ...

...... نيران ..  كعدت الصبح تريكنا وشاهين مااكل شكله غريب يروح ويجي وبس يفتر بالبيت والجكاره مانزلت من حلكه. .

. حسيته مثل المتوتر وعينه على الموبايل ..  كلت اشوفه شبي ...

....نيران ... شاهين شبيك تفتر ثولتني متكعد شكو رايح جاي رايح جاي ...

.....شاهين ... ماكو شي اذا زاعجج وجودي طبي لغرفتج ..

.....نيران ..  صاير شي على اهلي الله عليك ليش أحسك متوتر ..

.....شاهين .. مصاير شي لتخافين .. منتضر خبر يوصلني اذا وصلني واجه رافد باجر لبغداد عگب باجر أن شاء الله ترجعين للبيت انتي .. 

....نيران ... وترجع انت وياي مو ؟

.....طفه الجگاره وكال ..
....شاهين ... لا موهسه بعده شغلي ماخلص ويه خوالج النواقيص  من اخلص ارجع ..

....نيران ...لعد اني هم ماارجع إلا انت وياي ..

.....شاهين ... اي موهي لعب جهال .. ترجعين وبدون حجي زايد لتخربين مخططاتي بسوالفج التعبانه الي اكوله يتنفذ ..

....نيران .. شاهين فدوه اروحلك عوف الانتقام وخلي نرجع سويا للبيت وانسى عاد .. ماادري بيك هيج حاقد وكلبك اسود ..

.....شاهين ...بابا شبيج ياحقد شمسويلكم .. تره الي دااسوي لمصلحة اخواني .. مااسوي شي يضرهم لتخافين. ..

.....نيران ... اي غير اعرف بشنو تفكر وشدتسوي ..

.....شاهين .. مو ضروري تعرفين .. نفذي الي أكوله الج وبس من يجي الوقت المناسب تعرفين كلشي ..

.....نيران .. ياااهالوقت المناسب الي مديجي كلما أسألك تكول من يجي الصخام المناسب تره شلعت كلبي .

.....شاهين ...حط عينه بعيوني وكال بصوت هاديء ...اني اشلع گلبج ..؟؟
.....هوه گلبج مسودنني سوادين شلون اشلعه .. غير اني عايش على موده ...

.....نيران .نزلت راسي وكلتله.. شنو يعني مافهمت قصدك .. .

.....شاهين .. كلساع اعيد الحجي موكتلج مو ضروري تعرفين كلشي هسه وبطلي أسأله ..